حسان العربي يكشف سبب غيابه عن الوسط الفني: مش عارف أصرف على بيتي
كشف الفنان حسان العربي، سبب غيابه عن الوسط الفني، معربًا عن استيائه الشديد من تجاهل المخرجين له على الرغم من موهبته الكبيرة ودراسته للفن وعضويته في نقابة المهن التمثيلية.
وقال حسان العربي، في لقائه مع القاهرة 24: بيتقال إن أعضاء النقابة بيرفضوا الشغل الصغير، ما أنا من حقي أنك متصغرنيش، أنت هتديني إيه لو جيت اشتغلت معاك حلقة لو جيت قولتلك سعر مش هتديهولي أصبح أنا دلوقتي هصرف على بيتي إزاي؟ دي مهنتي وشغلتي ودي دراستي وتعبت فيها، فمن حقي أني أشتغل.
وتابع حسان العربي: في حاجة بنتعب منها أنا وزملائي، لما بنتبعت للمخرج أعمالنا بيشوفها ومبيردش ويقول أه ولا لأ، ولو قال تعالى قابل حد بروح ألاقي 4000 شخص قاعدين في الشارع والسلم وملهمش في المهنة وعايزين يشتغلوا، طيب أنا هعمل أدويشن ليه؟.
وأضاف: أنا بعت أعمال لحضرتك شوفها، أنت شايف أن الراجل ده معروف بص عليا في الكاميرا وقول هينفع معايا ولا لأ، أنا راجل دارس تمثيل وعضو نقابة مهن تمثيلية.
حسان العربي
وعلى جانب آخر، تعتبر مسرحية قمر الغجر، هي آخر أعمال الفنان حسان العربي، وشاركه في البطولة: ميرنا وليد، ويضم العمل مجموعة كبيرة من الفنانين، من أبرزهم علاء حسني، آمال رمزي، عصام عبد الله، سيد عبدالرحمن، إبراهيم غنام، أحمد السباع، صابر عبد الله، محمد زينهم، بهجت لطفي، محمد نيازي، أحمد مصطفى، بوسي الهواري، والعمل من إخراج الدكتور عمرو دوارة.
