حورية فرغلي: خُفت من انتقادات الناس لمناخيري.. وقلت هتبنى كل الأطفال عشان مش هخلف
تحدثت الفنانة حورية فرغلي، عن تفاصيل تقديمها مسرحية رابونزل بالمصري للأطفال، على خشبة المسرح.
وقالت حورية فرغلي، في لقائها مع القاهرة 24: الجمهور وحشني والنجاح وحشني والشغل وحشني، وقولت أنا هرجع تاني للناس هتقولي مناخيرك ومشاكلك، وقولت الأطفال هيحبوني حتى لو أنا عاملة إزاي.
وتابعت حورية فرغلي: دي أول مرة أشتغل مع أطفال خاصة إني عندي مشكلة أني مقدرش يبقى عندي أطفال، قولتلهم أنا هتبنى كل الأطفال في الدنيا وكان نفسي يبقى عندي أطفال ولكن مش مشكلة.
وأضافت: مكنتش متوقعة النجاح اللي حسيته، والأطفال كانوا بيجروا ورايا في الشارع وكان عاجبتهم جدًا المسرحية، وبجد كان قلبي بيدق ومبسوطة جدًا.
وأوضحت حورية فرغلي، أنها فضلت العمل مع الأطفال، بسبب حبها الكبير لهم وعدم قدرتها على الإنجاب، قائلة: أنا كان نفسي يبقى عندي أطفال، أنا مش متجوزة ومعنديش رحم فمبخلفش، بحب الأطفال جدًا وقولت خلاص أشتغل مع الأطفال لأنهم قمة البراءة، ومينفعش نستهون بيهم أبدًا لأنهم بيحفظوا كل حاجة، ولما حسيت أنهم مبسوطين كان نفسي أشتغل على طول مع الأطفال.
حورية فرغلي
وكانت الفنانة حورية فرغلي، روجت لشخصية الكارتونية رابونزل، على المسرح للأطفال، لأول مرة في مشوارها الفني، وشاركت حورية فرغلي متابعيها، بصورة بها مرتدية فيها ملابس شخصية ريبونزل، وذلك عبر حسابها الشخصي بموقع التواصل الاجتماعي فيس بوك، وعلقت عليها قائلة: انتظروني لأول مرة على المسرح مع الأطفال، في قمة سعادتي لما بكون سبب في سعادة طفل.
