نسرين طافش: “اتعلمت كتير من 2020.. وأستعد للمشاركة في عمل سوري” (فيديو)
عبرت الفنانة نسرين طافش، عن سعادتها بالوجود في مهرجان القاهرة السينمائي، بدورته الـ42، والمقام في دار الأوبرا المصرية.
وقالت “طافش” لـ”القاهرة 24″: “أنا سعيدة وفخورة أوي إني أكون موجودة في مهرجان عريق جدًا زي مهرجان القاهرة السينمائي واللي أسسوا رواد وعمالقة الفن المصري، ومؤسسين السينما المصرية”.
وتابعت: “مبسوطة وسعيدة جدا باستمرارية المهرجان بالقوة دي، لأنها مهمة مش سهلة إطلاقًا على القائمين بالمهرجان، واستطاعوا يحافظوا على قواعد السلامة، وفي نفس الوقت يقدموا مهرجان حلو ومشرف زي ما أنتم شايفين”.
وأوضحت: “بإن في إقبال كبير جدا، والناس متشوقه تتابع السينما وتشوفها، ورسالة قوية جدًا بالظروف اللي احنا بنعيشها دلوقتي، إننا نشوف مهرجان مش افتراضي، بنشوفه على الواقع، بيطبق قواعد السلامة، وفي نفس الوقت، بيقدم رسالة قوة وتحدي وسلام”.
وأكملت: “والفن هو رسالة سلام ومحبة رغم كل التحديات، ولسة الفن بيدي الأمل والحياة وقيم الجمال للناس، والمهرجان قيمة جمالية مهمه جدًا، واحنا كلنا بنبقى حرصين إن إحنا نحضر سواء للأفلام أو للافتتاح أو الختام، علشان نفضل داعمين للسينما والفن العربي ككل “.
أما عن عام 2020 قالت : “الانسان بيتعلم في كل المراحل وأنا بشكر 2020، واتعلمت منها كتير، وساعات بيبقي الدرس متعب وساعات بيبقي سهل، فهي رغم كل حاجة، أكيد كل واحد فينا طلع من 2020، وهو متعلم حاجة جديدة”.
وكشفت نسرين طافش، عن أعمالها المقبلة، وقالت إنها تستعد للمشاركة في عمل فني، ببلدها سوريا، وخلال الفترة المقبلة ستكشف تفاصيله.
نسرين طافش عن مواصفات فتى أحلامها: “يكون حنين لأن الحنية بتدبحني”
نسرين طافش توضح حقيقة خطبتها لـ”ثري عربي”: من خارج الوسط الفني والرياضي والسياسي
