زوجة الساخر من إذاعة القرآن الكريم: “محمد كمل حبس واللي شتموا الرسول خرجوا إمبارح” (صورة)

علقت أسماء عماد، زوجة محمد أشرف، الشاب الذي سخر من مذيعي إذاعة القرآن الكريم، وتم إصدار حكم بحبسه؛ بسبب هذا الأمر.

وكتبت أسماء في منشور عبر حسابه الرسمي بـ”فيس بوك”، قالت فيه: “محمد أشرف جوزي محبوس من يوم الخميس اللي فات عشان هزر على طريقة إلقاء مذيعين إذاعة!”.

وتابعت: “اتوجهت له تُهم كثير عشان هزار كل واحد فينا بيقوله وبيقول أكثر منه كمان.. واللي شتموا الأديان وسبوا الرسول خرجوا إمبارح وهو كمل حبس 15 يوم”.

وأضافت زوجة الشاب: “سهل عليكوا قوي تقولوا أحسن يستاهل ونطالب بسجنه وإعدامه وأنت قاعد في بيتك وسط أهلك بس ربنا مايخليك تشوف قهرة الحبس ظُلم ووجع أهلك ومراتك وأصحابك وهما واقفين بالساعات مستنيين بس يلمحوك عشان يتطمنوا عليك”.

بعد اتهامه بالسخرية من إذاعة القرآن الكريم.. محمد أشرف: “مغلطتش في الدين وبتلقى تهديدات”

واختتمت أسماء: “سهل عليك تطالب ليه بأقصى عقوبة عشان قلد شوية مذيعين بشر مش أنبياء لكن صعب عليك طبعًا تحس بالظلم والقهر، عشان أنتم ماتعرفوش يعني إيه إنسانية ربنا هيقف معانا وأنتم قريب قوي هتحسوا بنفس الوجع والظلم ده”.

إذاعة القرآن الكريم ترد على الممثل محمد أشرف: مهرج غير مضحك