بهاء الدين محمد عن أغنية “تنسى واحدة”: حذرت عمرو دياب من تصويرها

كشف الشاعر الغنائي بهاء الدين محمد، تفاصيل جديدة، بشأن أغنية “تنسى واحدة”، التي غناها الفنان عمرو دياب، وطرحها عام 2004.

وكتب بهاء الدين منشورًا، عبر حسابه بموقع التواصل الاجتماعي “فيس بوك”: “كل واحد مهما عاش حكايات، أو عاش حكاية مبسوط فيها وراضي بيها، برضه في خياله واحدة سابت علامة في قلبه، بيفضل طول العمر فاكرها، يا بخير يا بجَرح، ومهما قابل أو عمل نَفسه ناسي، بتبان عليه، وخاصة لو في حياته واحدة بتحبه، وعارفة ماضيه؛ بتبقى مشاعره مكشوفة ومتشافة، رغم المجهود اللي بيعمله علشان يبان ناسي، وكل حد بيقرأ الكلام ده دلوقت، عارف مين هي، وهي عارفة إنها هي، وعارفة مين حَبها، وسابتله حاجة يفتكرها بيها لحد آخر لحظة في حياته، شبكة اتصال جبارة وغير مرئية للعين، وعالم النَفس بحار كلها أسرار”.

واضاف: “وهو ده ملخص فكرة أغنية تنسى واحدة، ولما عمرو دياب قال لي هنصورها؛ قولت له بلاش، ضحك وقال لي، أول مرة أشوف شاعر مش عايز يصور أغنيته، قلت له كل واحد في خياله واحدة، وكل واحدة عارفه إنها في خيال واحد، ولما تتلخص الواحدة دي في بنت موديل، مهما كانت جميلة، وكلها إحساس؛ هتقلل من حالة الأغنية، يعني نسيب الأغنية تبقى كل واحدة بتسمعها شايفه نفسها هي البطلة فيها، وبرضو كل واحد شايف حبيبته هي بطلة الأغنية، وكده نبقى حافظنا على خصوصية الفكرة، وعشان كده كل اللي بيسمعها بيعيش بيها وفيها، وبيلاقي فيها حكايته اللي مش ناسيها ولا هينساها”.

بهاء الدين محمد لعمرو دياب في عيد ميلاده: “لحد عنده الكل يرجع”

الشاعر بهاء الدين محمد يكشف تفاصيل تعاونه مع عمرو دياب في ألبومه الجديد