“بحبكوا سوا”.. ميريهان حسين توجه رسالة إلى تامر حسني وزوجته (صورة)
أبدت الفنانة مريهان حسين سعادتها بعودة الفنان تامر حسني لزوجته، بسمة بوسيل؛ وذلك بعدما أكد تامر في منشور من خلال خاصية “ستوري” عبر حسابه على “انستجرام” عن حبه الشديدة لها ولأولاده.
ونشرت مريهان حسين، صورة لتامر حسنى وزوجته، عبر حسابها على “إنستجرام”، وعلقت عليها: “ربنا يخليكوا لبعض ولولادكم، ويبعد عنكم أى حاجه وحشة، بحبكوا سوا، ويارب ديما سوا”.
View this post on Instagram
و وجه تامر حسني رسالة لزوجته بسمة بوسيل، اليوم، عبر خاصية “ستوري” على موقعى تبادل الصور والفيديوهات “انستجرام”، وقال: “بسمة حبيبتي، للأسف أنتى مفكرتيش كويس، وسلمتي ودنك لشر السوشيال ميديا، عشان كام تعليق كلامهم فارغ، نسوكي إنك عرفتيني وأنا مشهور، وطبيعة شغلي اللي عرفتيني وحبتيني بيها، ازاى وصلوكي للزعل والبعد فترة، المهم إني مش هزعل منك، ولا يرضيني زعلك، أنتى حبيبتي، وهما ولادي”.
وتابع: “أنا ضهرك وسندك مهما حصل، بس اللي عايز أقوله، لعله يكون سبب خير في توعية ناس كتير، ليه لما أي حد يزعل من حد؛ بيطلع يكتب عليه في السوشيال ميديا، طب حتى يكلمه في الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة ما بينهم، وياريتها مشكلة أصلا، ربنا جعل ما بينا مودة ورحمة علشان كدا، عشان للاسف انتي عارفة إن في ناس حب خراب البيوت طبيعتهم، ومش هنخلص منهم، بس إنتي اللي هتخلصي من فكرة إنك تسمعيهم، مع إنك ماكنتيش كده”.
جاء ذلك، بعد أن أعلنت بسمة بوسيل، خبر انفصالها عن تامر حسنى، عبر خاصيه “ستورى” على “انستجرام”، حيث كتبت: “كل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، ياريت تبطلوا تبعتولي أي حاجة عشان مش فارقلي أي صور، وكمان أحب أعرفكو إن إحنا بقالنا فترة منفصلين وبنحضر أوراق الطلاق، لو سمحتوا احترموا مشاعر كل واحد فينا وبطلوا على الأقل تبعتولي أنا أي حاجة، بالتوفيق للجميع”.
الجمهور يطالب تامر حسني بالعودة لـ”بسمة” مفعلين هاشتاج “ارجعوا لبعض” (صور)
