شريف دسوقي بعد أزمة أبطال “بـ100 وش”: “مش شبطان في دور ولا عايز حد يشغلني”
حل الفنان شريف دسوقي، ضيفا على برنامج “الجوكر”، وتحدث به عن مشاركته في مسلسل “بـ100 وش”، وعلاقته بالمخرجة كاملة أبو ذكري.
وقال شريف دسوقي، خلال لقائه بالبرنامج عن كاملة أبو ذكري: “أنا بذاكر كاملة أبو ذكري من أول فيلم ليها، وطول الوقت كان بيستفزني سؤال كل ما بشوفلها مشهد، وهو المخرجة بتقول ايه للممثلين علشان يؤدون بالشطارة دي”.
وتابع: “لحد اما اتقابلنا، وكنت قاعد معاها كأني أعرفها من أربعين ستة، ثم بدأت أفهم أي توجيه منها بالعين، لحد ما الاقتراح اللي هي هتقولهولي مع المساعد، تلاقيني جاي بيه”.
وأضاف: “اتعلمت كتير منها، وكل أبطال المسلسل نجوم شبعانة، ومعندهمش أي صغائر ممكن يمارسوها مع الآخرين، وأنا لا شبطان في دور، ولا عايز حد يشغلني”.
ومسلسل”بـ100 وش” تدور أحداثه في إطار القالب الكوميدي، ويشارك في العمل كل من نيللى كريم، آسر ياسين، وعلا رشدي ومصطفى درويش، وإسلام إبراهيم، وشريف دسوقي، ودنيا ماهر، ولؤى عمران، وحسن أبو الروس، وزينب غريب، والعمل من إنتاج جمال العدل وتأليف عمرو الدالي وأحمد وائل، وإخراج كاملة أبو ذكري.
شريف دسوقي في أولى حلقات برنامج “الچوكر” على “WATCH iT”
بعد تعاونهما في “وقفة رجالة”.. شريف دسوقي: ماجد الكدواني قائد قوات التمثيل
