زوجة تامر عاشور: “مقولتش غير الحقيقة.. والمفروض نتفق بكل هدوء على الطلاق”
حرصت سمر أبو شقة، زوجة الفنان تامر عاشور، على توضيح التصريحات التي أدلت بها على موقع “انستجرام”، وتسببت في جدل كبير بين الجمهور، بشأن طبيعة علاقتها بوالد ابنتها الوحيدة. وكتبت أبو شقة، على حسابها الشخصي بـ”انستجرام”: “أنا وتامر هنفضل نحترم بعض لأن فيه بينا عشرة وفيه بينا بنتنا أيام اللي هتفضل رابط بينا طول العمر.. واللي أهم ليا أنها إن شاء الله تكبر متلاقيش أي حاجة تضايقها وتلاقي كل هدوء.. الموضوع لا ترند ولا شو ولا أي حاجة غير حقيقة وحاجة بتحصل كل يوم بس بيحصل اللي حاصل لما يبقي حد مشهور”. وتابعت: “إحنا آه منفصلين (مش مطلقين) (ولا اطلقنا)، ومرينا بمشاكل زي أي ناس طبيعية.. اتفقنا أو اختلفنا بتحصل يعني وبغض النظر عن مين غلط في حق مين وازاي، ولكن مهما حصل مفيش حد هيقبل أن يحصل تجريح للتاني في اللي جاي”. واستكملت: “أنا رديت على أسئلة الأستورى بعفوية وبطريقتي اللي عمرها ما هتتغير وعادي جدا بس للأسف في مواقع حطت عناوين غلط علشان تشد وتزود التفاعل عندها وخلاص، وعلى فكرة كلامي كان واضح وبسيط وموجود لحد دلوقتي مشلتوش علي بروفايلي هنا”. وقالت: “ومقولتش أي حاجة غير الحقيقة اللي حصلت ببساطة وكان ظاهر منها 80% أو أكتر من غير أي شرح، ومنعا للمهاترات هي مش حرب مع أبو بنتي ولا عمرها هتكون.. والمفروض أننا نتفق بكل هدوء على الطلاق أنه يتم خلال الفترة الجاية”. وأضافت: “واللي أكيد بعد مايحصل مش هينقص من احترامي ليه أو إحترامه ليا وهنفضل أصدقاء تجمعنا ” أيام” اللي هتفضل أهم من أي حد وأي حدث.. بس نبقي بنتجنب الضغوطات والمشاكل اللي أيا كان سببها موجود أو أنتهى بلا رجعة.. أتمنى الموضوع يتقفل ومشوفش أي حاجة تضايقني.. واللي بيحبوني دعوة حلوة وشكرا لكل الحب والدعم اللي بشوفه”.
View this post on Instagram
مُصرَّة على موقفها.. زوجة تامر عاشور: أسعى للطلاق منه منذ سنة ونصف (صور)
“نفس البجاحة”.. زوجة تامر عاشور تشبّه علاقتهما بحكاية “ربع قيراط”
