كريم عبد العزيز: “زوجتي غيورة جدًا ومقدرش أعيش مع واحدة نكدية” (فيديو)

حكي الفنان كريم عبد العزيز، عن علاقته بزوجته وكيفية لقائهما، خلال حواره ببرنامج “السيرة” مع الإعلامية وفاء الكيلاني، المذاع عبر قناة DMC.

وقال أنه لم يتخيل أنه سيتزوج من خلال الأهل أو الأصدقاء موضحًا: “تزوجت تقليدى وهى كانت مقابلة، والدى ووالدها أصحاب من زمان جدا وخلال المقابلة حصل انجذاب وراحة بينا، لأني أنا مقدرش أتجوز بترشيح من العائلة أو جواز صالونات”.

تابع: “ولكن دى المرة الوحيدة اللى قابلت واحدة عن طريق الأسرة، واللي عجبني فيها في الأول طريقة كلامها، وإنها عاقلة وذكية وإنها أكبر من سنها، وأنا أكبر منها بـ10 سنين ونصف”.

وأضاف: “هايدى زوجتى غيورة جدا بس عقلانية في نفس الوقت، وبحبه فيها ومش عاوزها تتغير لأنى مقدرش أعيش مع ست مش غيورة، ولكن هى كان نفسها تغير فيا العصبية والملل”.

وأختتم:”أنا مش نكدى خالص ولكن مودى شوية، وأنا بحب البيت جدا، وفى الفترة الأخيرة بقيت قليل الخروج، وأنا بحترم زوجتى جدا وهى بتثق فيا وعشان أي راجل يجبر الست على الثقة فيه لازم يحكيلها كل حاجة، وبالأخص لو هي مش موجودة”.

كريم عبد العزيز لوفاء الكيلاني: “مراتي ليها الجنة.. وحلم حياتي أن يخرج لي أبي” (فيديو)

ويستعد كريم عبد العزيز في الوقت الحالي لمسلسله القادم، وهو “الاختيار 2″، والذي يجمعه بالفنان أحمد مكي، ومن المقر عرضه في الموسم الرمضاني المقبل 2021.

وقال كريم عبد العزيز عن تعاونه مع أحمد مكي في المسلسل: “إن شاء الله ربنا يقدرنا ونقدم حاجة حلوة للناس، وأنا فرحان جدا إني هتعامل مع الاستاذ أحمد مكي، وهو نجم كبير جدا، والورق مكتوب بشكل جيد جدا بينا إحنا الاتنين، ويارب نقدر نوصل للناس ونعملهم حاجة حلوة”.

كريم عبد العزيز: “أبويا كان رافض دخولي مجال التمثيل” (فيديو)