توفت منذ قليل المريضة نورا سمير صاحبة الـ25 عامًا، بمستشفى القصر العيني، بعد وقت قصير من تعرضها لخطأ طبي لحق بها تسبب في إصابتها بأضرار جسيمة في القلب، بعد أن دخلت المستشفى لإجراء عمليت كحت وتنظيف للرحم

وفي وقت سابق قالت أمل سمير، شقيقة “نورا” صاحبة الـ25 عامًا، إن أختها أم لطفلين أعمارهما عامان وثلاثة أعوام، وكانت حاملًا في طفل ثالث لم تكن تستطع تحمل نفقاته ماديًا، فأجرت عملية إجهاض في أول أسبوع بالحمل، وبعد 40 يومًا من الإجهاض أصيبت بنزيف.

أسرة سيدة تتهم قصر العيني الفرنساوي بالإهمال الطبي.. والمستشفى: ليس هناك أي تقصير (صور)

وتابعت: “رحنا بيها على القصر العيني الفرنساوي الجديد التعليمي، مستشفى المفروض إنها مستشفى خاصة كشفت كشف النسا قالوا إنها محتاجة عملية كحت وتنضيف للرحم وفي حالة أن الرحم موقفش النزيف هيشيلوا الرحم، مضي جوزها على الإقرار ده ودخلت عمليات أختي عندها حساسية في صدرها متستحملش بنج كلي إلا بنسبة قليلة أوي، نبهنا على الدكتور اللي كان هيعملها العملية أنها ممنوعة من البنج الكلي. دخلت العمليات العملية المفروض معروف أنها متأخدش 10 دقايق قعدت فيها ساعتين ونص وبعد العملية طلعت على العناية المركزة، لية يا دكتور؟.. جالها هبوط مفاجئ والقلب وقف، من إيه كل ده؟.. خدت بنج كلي وكمية كبيرة، وإحنا منبهين، وبعدين فوقوها وخدت بنج نصفي، بعدها بيوم لقيناهم جايين جهاز الإيكو بتاع القلب وبيعملها رسم قلب. ليه ده كمان؟ عشان جالها قصور حاد في الشريان التاجي وضعف عضلة القلب بقيت بكفاءة 34 وهي المفروض فوق الـ80”.