عمرو محمود ياسين يدعو لعدم التعصب: “دي رياضة يا اخوانا”

“دي رياضة يا اخوانا”، هكذا دعا السيناريست عمرو محمود ياسين، إلى عدم التعصب في الرياضة، وذلك بعد الخلافات التي نشبت بين مشجعي النادي الأهلي والزمالك بعد مباراة “الأهلي والزمالك في نهائي أفريقيا”.

وعبر ياسين، عبر حسابه الشخصي على موقع التواصل الاجتماعي “فيس بوك” قائلا: “شفت فيديو غريب جدا وصعب لمشجع زملكاوي منهار في المستشفى عشان الزمالك خسر، شاب صغير بس أنا عايز أقول لأ يا جماعة مش للدرجة دي، دي رياضه يا أخوانا، لازم نحط الأمور في نصابها الصحيح”.

وتابع: “أنا جزء كبير من سعادتي بالفوز أني كنت خايف على ابني محمود اللي طول الأسبوع مشغل أغاني الأهلي في البيت، وعمال بيغني معاها وبحرقة وبقاله يمكن شهر بيقولي إن يا بابا لو الأهلي خسر ممكن يجرالي حاجة، ففعلا جزء كبير من فرحتي أنه ماتضايقش بالشكل ده”.

واستكمل: “عايز أقول لكل إخواتي وأولادنا.. أهلاوية وزملكاوية الحياة مليانة تحديات ومحتاجة مننا مجهود وطاقة وفروا طاقتكم وصحتكم لتحديات أكثر شراسة وقوة وأهمية وهتكون بتخصكم انتوا شخصيا.. حبوا أنديتكم، وانتموا كما شئتم، لكن خافوا على مستقبلكم وأهلكم، ربنا يحفظنا جميعا”.

وانتهت مباراة الأهلي والزمالك بفوز النادي الأهلي بهدفين مقابل هدف، في المباراة التي أقيمت بينهما على ستاد القاهرة الدولي، بنهائي دوري أبطال إفريقيا.

محمود العسيلي: “الناس تايهة وغضبانة وده اللي بيخلق التعصب”