ريهام سعيد: “برنامجي طول عمره شريف”

قالت الإعلامية ريهام سعيد إن برنامجها “صبايا الخير”، الذي يعرض على قناة “النهار”، لا يقدم إلا مادة هادفة وصادقة، وذلك ردًا على الاتهامات والانتقادات التي وجهت لها، منذ أمس، بسبب حلقة “صيد الثعالب”.

وأكدت ريهام سعيد في “لايف” عبر حسابها الشخصي بموقع التواصل الاجتماعي “فيس بوك”: “في ناس يخصها ريهام سعيد بس، وفي ناس يهمها الثغلب بس، ومش كل مرة اتظلم كدة، وفي ناس ضدي وأعداء، وناس مضايقين إني طلعت بالبرنامج تاني، منهم ممثلات وراقصات”.

وتابعت: “يعني مش معقولة الساعة 4 ونص الصبح، تطلع هاشتاجات ضد ريهام سعيد، امتى الحلقة لحقت اتشافت واتعرضت علشان يطلع الحاجات دي، والبرنامج ده هادف، وطول عمره شريف، وحتى الحلقة دي مهمة جدا، على الأقل لو هتبقى السبب في تغيير الطريقة بتاعت الصيادين في صيد الحيوانات، يبقى أنا عملت خير في كل الحيوانات”.

وأضافت: “فكرة إني طريقة الصيد معجبتكوش ولا عجبتني أنا كمان، ومكنتش موافقة عليها، بس أنا معرفش ايه هي الطريقة الصح، وطبعا حقكم، لكن متبقاش ريهام عملت حلقة علشان تعذب الحيوانات وتكسب مشاهدة، وأنتم تعلموا إن أول حلقتين، مكانوش يستدعوا إننا نعمل حاجة علشان نكسب مشاهدة، ومشاهدتنا كانت عالية جدا”.

ريهام سعيد: “في ناس مضايقين إني طلعت بالبرنامج تاني منهم ممثلات وراقصات” (فيديو)

ريهام سعيد للجمهور: “متعملوش نفس الغلطة كل مرة.. ليه الصدق بيضايقكم”