منى زكي: كنت متخشبة وأنا بمثل قدام محمد صبحي

تحدثت الفنانة منى زكي عن كواليس تمثيلها أمام الفنان محمد صبحي، في بداياتها الفنية، حيث أشارت إلى أنها كانت تشعر برهبة كبيرة؛ لمجرد تمثيلها أمامه.

وقالت منى زكي، خلال فعاليات اليوم الثالث من مهرجان القاهرة السينمائي، عبر حوار تديره الإعلامية ريا أبي راشد: “كان عندي 11 سنة، أنا كنت في مسرح المدرسة، وببقى في الكواليس، لحد في مرة وقفت على المسرح بالصدفة، وكنت بدل حد مجاش، ولقيت الناس بتضحك، وكنت بقول الجملة بشكل جدي، وقولت لا، مش هعرف”.

وأضافت: “لما رجعنا مصر، كان عندي 13 سنة، ماما قالتلي إن محمد صبحي الفنان اللي بحبه جدًا، طالب ناس في مسرحيته، فقولتلها هروح عشان أشوفه بس، ولكن مكنتش همثل، وكان في اللجنة هو ولينين الرملي، وقالي روحي، وبعد يومين تعاليلي، واحفظي مشهد من المشاهد للمسرحيات اللي بتقولي إنك شوفتيهالي”.

كندة علوش لمنى زكي بعد تكريمها بمهرجان القاهرة: “شغوفة بفنك ومعجونة بالموهبة” (صورة)

وأكملت منى زكي: “كان أدائي قدامه زي الخشبة، ومجرد بقول الكلام، شبه مكنش فيه أداء، وكنت بتكلم بشكل أجنبي؛ فخلاني أركز على نطق الحروف بطريقة عربية مصرية، عشان أبقى قريبة للناس، ومع البروفات؛ اكتشفت مشاعر وأسرار في شخصيتي”.

واختتمت منى زكي حديثها عنه، قائلةً: “التمثيل بيحسسك بعظمة الإنسان، وإزاي بتطلع الطاقات وحاجات مكناش نعرفها عن نفسنا، ودا اللي بيضاف للممثل، وأي إضافة بتقدر ناخدها بتبقى من المخرج اللي بيوجهنا”.

غدًا في مهرجان القاهرة السينمائي.. ريا أبي راشد تحاور منى زكي