رامي وحيد: “نفسي في حاجة تخوفني” (فيديو)

أعرب الفنان رامي وحيد عن سعادته بتواجده فى مهرجان القاهرة السينمائي، بدورته الـ42 المقامة في دار الأوبرا المصرية.

وأشاد رامي بتنظيم مهرجان القاهرة في ظل فيروس كورونا، وتشديدهم على التباعد في المسافات، قائلًا: “أنا فرحان بيه جدًا كان أول يوم في مشاكل، دلوقتي الناس عندها وعي أكتر، فرحان إن احنا عندنا مهرجان شيك كده وبالتواجد الكبير ده”.

وحول رأيه عن أفلام الرعب، خاصةً أنه حرص على حضور العرض الأول لفيلم “عمار”، أردف: “بصي أنا مبخفش ودي المشكلة، نفسي حاجه تخوفني، فداخل اتفرج ولو الموضوع بيتعمل بحب وبصدق، المشاعر بتوصل للناس، أنا جاي النهارده اتفرج وأنا عارف إن محمود كامل مخرج عنده عمق، ومخرج مهم أتمنى الفيلم يكون مستواة جيد”.

وتابع: “كل أنواع السينما والدراما مهمة، مينفعش نستغنى عن حاجه فيها، وساعات بيبقى في غيرة من بعض الفنانين، أتمنى إن كل حاجة احنا نحس بيها نعملها مش لازم نمشي ورا شكل معين”.

وعن رأيه بحلقة الثعلب التي عرضتها الإعلامية ريهام سعيد: “أي شكل في معاملة للحيوان مفيهاش رفق شيء بيزعجني جدًا، لأن الحيوان مبيعرفش يعبر عن نفسه وأنت خنقه وربطه، ربنا خلق كل حاجة لسبب إحنا مش هنفسر حاجات على مزاجنا، عيب وحاجة مش راقية، ومفيهاش أي إنسانية، إحنا مفروض نرتقي طول الوقت، عايزين نقرب من الأخلاق الكويسة”.

وفى سياق آخر، كشف رامي وحيد أنه بدأ استعداداته لمسلسل في الفترة الحالية، ينتمي لفئة الأكشن، مكون من 15 حلقة.

رامي وحيد وريهام نبيل ضيوف شرف حكاية “أول السطر” لدرة في مسلسل “إلا أنا”

غادة طلعت تحاول الإيقاع بين ميرهان حسين و رامي وحيد في “قيد عائلي”