مريم الخشت عن مشاهدة فيلم “عنها” المتهم مخرجه بالتحرش: “رفضت مشروع صاحبه مغتصب”

عبرت الفنانة مريم الخشت عن دعمها الكامل للفتيات، اللاتي وجهن اتهامات لمخرج فيلم “عنها”، إسلام العزازي، بالاغتصاب والتحرش الجنسي، ونتيجة لذلك قررت إدارة مهرجان القاهرة السينمائي بدورته الـ42، اتخاذ العديد من الإجراءات بشأن عرض فيلمه “عنها”، منها إلغاء العرض الثاني والحوارت الصحفية للفيلم.

وكتبت مريم الخشت عبر حسابها الشخصي بموقع التواصل الاجتماعي “فيس بوك”، وقالت: “توضيح بسيط.. انتشر كلام إمبارح بليل، إن أنا وبعض الزملاء كنا رايحين الفيلم المصري اللي كان بيتعرض إمبارح، بس لما عرفنا إن المخرج موجود رفضنا دخول الفيلم”.

وتابعت: “القصة مش كدة بالظبط.. الحكاية أني كنت متابعة شهادات لبنات بقالها فترة بتنزل عن مخرج مش معروف هو مين.. والشخص ده مغتصب ومتحرش وكنت مستنية أعرف مين، وكنت رايحة الفيلم عادي وكنت بجهز نفسي من قبل المهرجان أصلًا، وكنت متحمسة جدا عشان أدعم فيلم “نسوي” وأشجع صناعه على مجهودهم وتعبهم”. واختتمت حديثها وقالت: “بس لما عرفت بأكتر من شهادة إن الشخص ده هو الشخص اللي الناس بتتكلم عنه في قصص اغتصاب وتحرش البنات اللي كانت منتشرة من فترة، رفضت أروح الفيلم وادعم مشروع يُقال إن صاحبه مغتصب، سواء كان هيحضر أو لأ.. و روحت فعلا الأوبرا وحضرت فيلم تاني، وحقيقي دعمي اللي كان لفيلم “نسوي” بقى أضعاف أضعاف لكل البنات اللي قالوا شهادتهم، فعلاً فخورة بيكم وبدعمكم”.

بطلة فيلم “عنها” المتهم مخرجه بالتحرش تدعم الفتيات الناجيات: “تحية من قلبي لشجاعتهم”

المخرج المتهم بالتحرش في “القاهرة السينمائي” يحذف منشور رده على الاتهامات (صورة)