نشوى مصطفى تسأل جمهورها: “عايزة أعمل خير بنية التقرب لله” (صورة)

وجهت الفنانة نشوى مصطفى، سؤالًا لجمهورها تطلب منهم نصيحة في طريقة عمل خير للتقرب من الله سبحانه وتعالي، موضحة أنها تنتظر تفاعل جمهورها من إجابات للاستفادة.

وكتبت نشوى مصطفى، منشورًا عبر حسابه الشخصي بموقع التواصل الاجتماعي “فيس بوك”، قائلة “حاسألكم سؤال واللي عنده إجابة يكتبها وخلينا نستفيد من إجابات بعض، إزاي أعمل حاجة لغيري من البشر وتكون نيتي بيها التقرب لله سبحانه وتعالى”.

وتابعت “خلونا نبتدي الأول بحاجات مايكونش فيها بذل المال، علشان اللي ظروفه مش عنده فلوس، نعرفه إزاي يعمل خير للاخرين وياخد ثواب”.

وسبق، أن قالت نشوى مصطفى رسالة إلى الشعب المصري بعد شفائها من فيروس كورونا المستجد، وذلك من خلال مداخلة هاتفية إلى برنامج “كلمة أخيرة”، “أبوس إيديكم لو بتحبوا ربنا وبتحبوا ولادكم، اتقوا شر الألم اللي أنا حسيت بيه، حافظوا على نفسكم علشان ولادكم وأكل عيشكم كلنا على باب الله”.

وأضافت مصطفى: “كلنا على باب الله وماشيين بالأرزاق عشان أكل عيش ولادكم، مش هينفع لو إنت عامل أو صنايعي ترقد، حافظ على نفسك أرجوك بالكمامة، كمامة تمنها 3 جنيه هتحافظ عليكم وهتخليك لبيتك وأولادك”.

وتابعت: “أنا كان معايا فلوس بس مافيش مستشفى كانت عاوزة تقبلني من المستشفيات الخاصة، لكن مستشفى بلدي العامة الحكومية قبلتني أنا عندي فلوس وربنا ساترني، بس مكنتش بقدر أحط في بقي لقمة، الفلوس مش مهمة لما تبقى معاكي ومفيش مستشفى راضية تقبلك أو قادرة تاكلي حتى، الصحة يا جماعة أهم من أي حاجة في الدنيا، والنبي ماتستهونوا، كورونا دي صعبة جدًا أصعب من ألم الولادة”.

وأردفت: “أنا أهملت واتكسفت من لبس الكمامة وماتسلموش على حد بإيديكم وحافظوا على التهوية والتباعد والتغذية، كلوا برتقانة وحزمة جرجير أو جوافة وحتة جبنة قريش دي نصايح الدكتور حافظوا عليها عندنا الحاجات دي رخيصة، احموا نفسكم مع الكمامة”.

نشوى مصطفى: “جوزي كان بيطلب ألبس الكمامة وكنت بقوله الناس هتضحك عليا”