جومانا مراد: مش ببص لشغل غيري.. بحب الأدوار الشعبية(صور)

الخميس 10/ديسمبر/2020 - 07:01 م

أعربت الفنانة جومانا مراد عن سعادتها بالدورة الـ42 لمهرجان القاهرة السينمائي، على هامش حضورها حفل الختام اليوم، بدار الأوبرا المصرية.

ووجهت جومانا رسالة شكر للقائمين على المهرجان، عبر شاشة قناة “dmc”، وقالت: “أنا مبسوطة جدًا لأن المهرجان منظم تنظيم عالي وواخدين احتياطات كتيرة عشان فيروس كورونا، وبشكرهم على المجهود الكبير اللي باذلينه”.

وعن حضورها باقي فعاليات المرهجان خلال الأيام الماضية، أوضحت أنها تعرضت لوعكة صحية؛ ما أدى إلى عدم حضورها باقي الفعاليات سوى حفل الافتتاح فقط والعرض الأول لفيلم “عنها”، معربةً عن سعادتها بمشاركة أكثر من عمل مصري بمسابقات المهرجان، فهو مهرجان عريق له تاريخ كبير.

وعن دور جومانا خلال مسلسل “خيانة عهد” برمضان الماضي، أردفت: “محدش شرير في المطلق ولا خيّر في المطلق، ولكن هي عندها سلبيات كتير بسبب ظروف اللي عاشتها، ودا اتوضح خلال أحداث المسلسل، واتعاطف معاها الناس”.

وعن أعمالها القادمة، تابعت: “دلوقتي بقرأ حاجات كتير سينما وتلفزيون ومش عارفة اختار، وعايزة لما اشتغل يبقى حاجة الناس حباها ومبسوطة بيها، وتكون مختلفة ومبحبش أكرر نفسي”، وأضافت: “لا يمكن أبص على أدوار غيري ومبفكرش على شغل غيري، وبحب الشخصية الشعبية وعملتها في كباريه وكف القمر، والناس حبيتها”.