فيفي عبده: "عايز أرقص من تاني".. وطبيبها: "ترجعي تولعيها" (فيديو)

طمأنت الفنانة فيفي عبده متابعيها بعد تعرضها لوعكة صحية مؤخرًا، ألزمتها المكوث بفراشها، مما أثار حالة من القلق على صحتها، قبل أن تظهر منذ قليل بمقطع فيديو برفقة طبيبها، ليوضح تطورات حالتها الصحية.

ونشرت "عبده" الفيديو عبر حسابها الشخصي على موقع التواصل الاجتماعي "فيس بوك" معلقة: "أنا بقولكو أنا بخير والدكتور بيعملي العلاج الطبيعي أهوه"، ليرد عليها الطبيب: "هتبقى بخير وهترجع تمتعكوا وتتبسطو بيها".

وأردفت: "عايزة أرجع أرقص تاني وحشني الرقص، أنا قاعدة كدا في البيت غصب عن عيني، ومن ساعة الساحل الشمالي مش عارفة إيه اللي جرالي، بحبكوا جدًا وقريب هبقى معاكوا بعد كلام الدكتور دا، كل سنة وانتو طيبين، هابي نيو يير"، ليجيبها الطبيب، قائلًا: " هترجعي تولعي الدنيا من تاني".

وكشفت "عبده" حالتها الصحية، مؤخرًا، بمداخلة هاتفية مع الإعلامي وائل الإبراشي ببرنامج "التاسعة" حيث قالت: "بقالي 6 أشهر بتعالج ومكنتش بقول، مكنتش بقدر أتحرك، ولا في سبب ولا أي حاجة، نازلة من السرير حاجة ضغطت على عصب رجلي وألمها فظيع جدًا، لما بقيت كويسة كان لازم أطمن جمهوري، وأنا مش عيانة للدرجة دي، أنا بقعد وبتكلم وكل حاجة”.

وكشفت عن رأيها بالراقصات المتواجدات بالساحة، موضحة: "دول زمبلك ملهمش في الرقص الشرقى، أنا سيبت الأفراح بقالي فترة، وبكتفى أطلع مع جمهورى من بيتي”، مردفة: “أنا مش ضد الراقصات الأجنبيات احنا اللي بنعلمهم، لكنهم مبيقدموش فن، ومش عارفة مين لورديانا دي”.

ظهور جديد لفيفي عبده بعد تعرضها لوعكة صحية: “نفسي أحب فوفا شوية”

فيفي عبده عن الراقصات الأجنبيات: “دول زمبلك مبيقدموش فن.. ومعرفش مين لورديانا دي”