عمر كمال يكشف وجود خلافات بين حمو بيكا وزوجته.. ويؤكد: "كان لابس دفاية في فرح هنادي مهنا"
كشف مطرب المهرجانات عمر كمال، وجود خلافات بين صديقه حمو بيكا وزوجته زوز، تزامنًا مع تصدرهما مواقع التواصل الاجتماعي ليلة أمس الثلاثاء.
وقال كمال خلال لقائه مع برنامج "الترابيزة" الذي تقدمه الإعلامية أميرة بدر على "يوتيوب": " قالي الجواز حلو ولقيت الطبطبة، وبعدها بشهر لقيته بيقول إن الجواز أي كلام وبودِّي هدومي تتغسل بره، قولتله طب والواد اللي نفسك فيه قالي عيال أختي بالدنيا، وبعدها اتهمني إني لبسته ترنج في فرح هنادي مهنا".
واستكمل كاشفًا تفاصيل حضورهما حفل زفاف هنادي مهنا وأحمد خالد صالح: "اتفاجئت إنه لابس الدفاية اللي بنفرشها على السرير، قولتله إيه ده قالي أنا سقعان وهروح كده هبقى مختلف، مرضتش أقوله غيَّر لأنه مرضيش، وهجوم الموسيقار هاني مهنا يمكن كان عشان بيان المهن الموسيقية بيستنكر وجود حمو بيكا".
وتابع: "أنا زعلان منه عشان قال تصريح مع ريهام سعيد كان غريب جدًا، يعني هو كان خايف من مراته، طلع وقال إن عمر كمال هو اللي بيجيب راقصات، هو أنا اللي ضربتك على إيدك، كان عايز يجيب رقاصة تانية تودينا اللومان، وأنا جبتله لورديانا أهدى منها".
عمر كمال: "حمو بيكا بيخاف من مراته.. وكان عايز يجيب رقاصة تودينا اللومان" (فيديو)
