مي حلمي بعد انفصالها عن رشاد: "الطلاق تجربة مريرة.. وريهام سعيد وسارة الطباخ ساندتاني"

كشفت الإعلامية مي حلمي، لأول مرة تفاصيل طلاقها من المطرب محمد رشاد، بالإضافة إلى صمتها طوال الفترة الماضية، وتداول شائعات كثيرة حولها.

وقالت حلمي عبر فيديو على حسابها الشخصي بـ"انستجرام": "أنا من الشخصيات اللي مبتاخدش برأي حد، بس أنا بقالي فترة في صراع، يعني لما يكون حياتك الشخصية على السوشيال ميديا ومباحة لأي حد بتبقى في صراع، انهارده باخد رأيكم في الصح والغلط، وانهارده همشي برأيكم، على الرغم أني بقضيها ضحك، ولكن بقالي 5 سنين مذيعة، آخر سنتين من عمري حاسة إن حياتي سداح مداح للكل، مي حصل فرحها مي حصل طلاق، حتى وقت الفرح معملتش حاجه غير أني نزلت صورة". 

وتابعت: "المهم يكون قراري، إيه تجربة مريرة جدًا، خصوصًا لما يتحسب كل حاجة عليك قدام الناس أن أنت السبب فيها، اتاخد ضدي رغم أني بسأل الناس ده صح ولا غلط، قعدت أفكر كتير أني لازم أطلع واتكلم وفي حاجات مينفعش أتكلم فيها".  

وأضافت: "تجربة الخيانة والغدر صعبة، ريهام سعيد وسارة الطباخ وعفاف محروس هما اللي وقفوا جمبي، دايما كانوا بيقولوا إن الستات مبتقفش جمب بعض، ولكنهم وقفوا جمبي وكانوا معايا، التجربة صعبة وبتفقد أمان ومصداقية في الناس اللي حواليا وتبني".

هل تحاول مي حلمي استعطاف محمد رشاد لعودتهما مرة أخرى؟