مخرجة "عاش يا كابتن": استلهمت فكرة الفيلم من بطلة العالم في رفع الأثقال نهلة رمضان (فيديو)

تحدثت المخرجة والمنتجة مي زايد عن تفاصيل فيلمها الوثائقي "عاش يا كابتن"، خلال استضافتها ببرنامج "معكم منى الشاذلي"، عبر شاشة قناة "cbc".

وقالت "زايد" خلال لقائها: "الحكاية بدأت من 2003 وكان عندي 18 سنة وقرأت في الجرائد عن بنت من إسكندرية اتدربت في الشارع وبقيت بطلة العالم في رفع الأثقال اسمها نهلة رمضان، وكانت الحكاية ملهمة واتأثرت بيها، وإزاي بتتمرن مع باباه كابتن رمضان بإمكانيات قليلة".

وأردفت: "نهلة بقيت أيقونة لمصريين كتير وشجعناها في بطولات كتير، وفي 2014 جاتلي فرصة إني أقابل كابتن رمضان ولقيته لسة بيدرب الناس في الشارع، وحبيت أعمل فيلم عن العالم دا، لأني حسيت إن الناس بتفتكر إن الرياضي وصل لمكانته الكبيرة دي بالساهل، ومحدش بيبقى متخيل الرحلة إزاي صعبة".

وشارك الفيلم مؤخرًا بالمسابقة الرسمية لمهرجان القاهرة السينمائي الدولي بدورته الـ 42، وحصل على العديد من الجوائز منها جائزة الهرم البرونزي، وجائزة يوسف شريف رزق الله "الجمهور"، وجائزة إيزيس.

مخرجة “عاش يا كابتن” الفائز بمهرجان القاهرة متهمة بسرقة اسم الفليم وفكرته (صورة)

ختام مهرجان القاهرة.. الوثائقي المصري “عاش يا كابتن” يفوز بجائزة الهرم البرونزي