مي حلمي تعود من جديد لـ قناة النهار: "خطوة كنت مستنياها من بدري" (صورة)
أعلنت الإعلامية مي حلمي، عن تعاقدها من جديد مع شاشة قناة النهار، لتقديم برنامج رياضي بجانب مجموعة عمالقة الرياضة في الوطن العربي.
وشاركت "حلمي" جمهورها عبر حسابها الشخصي بموقع تبادل الصور والفيديوهات القصيرة "انستجرام"، صورة العقد الخاص بالبرنامج الجديد وهي تقوم بالتوقيع عليه وعلقت قائلة: "النهاردة مضيت أهم في حياتي المهنية مع عمالقة الكورة، كابتن وائل جمعة، بركات، عصام الحضري، شوقي، حسين ياسر المحمدي.. من بيتي اللي بدأت منه على قناة النهار".
وتابعت: "شكرًا شركة W3، على ثقتكم في تقديم برنامج من أهم برامج الكورة في الوطن العربي، شكرًا أحمد حلمي، شكرا وليد سعد.. وعلى نياتكم ترزقون وعلى الشطارة كمان بتتكافأوا، شكرًا عيلتي الإنستجرامية على دعمكم ليا في كل محنة.. أمنتم بيا وبتعبي ومجهودي حبكم نعمة.. خطوة كنت مستنياها من بدري بس كله بوقته وبمعاده عند ربنا".
View this post on Instagram
وعلى جانب آخر، تحدثت مي حلمي في وقت سابق عن تجربة إنفصالها من خلال خاصية الأستوري عبر حسابها الشخصي بـ"انستجرام" قائلة: "أنا من الشخصيات اللي مبتاخدش برأي حد، بس أنا بقالي فترة في صراع، يعني لما يكون حياتك الشخصية على السوشيال ميديا ومباحة لأي حد بتبقى في صراع، انهارده باخد رأيكم في الصح والغلط، وانهارده همشي برأيكم، على الرغم أني بقضيها ضحك، ولكن بقالي 5 سنين مذيعة، آخر سنتين من عمري حاسة إن حياتي سداح مداح للكل، مي حصل فرحها مي حصل طلاق، حتى وقت الفرح معملتش حاجه غير أني نزلت صورة".
وتابعت: "المهم يكون قراري، إيه تجربة مريرة جدًا، خصوصًا لما يتحسب كل حاجة عليك قدام الناس أن أنت السبب فيها، اتاخد ضدي رغم أني بسأل الناس ده صح ولا غلط، قعدت أفكر كتير أني لازم أطلع واتكلم وفي حاجات مينفعش أتكلم فيها".
مي حلمي بعد انفصالها عن رشاد: "الطلاق تجربة مريرة.. وريهام سعيد وسارة الطباخ ساندتاني"
