رامي صبري يروج لحفله في رأس السنة (صورة)

روَّج الفنان رامي صبري لحفله، المقرر أن يحييه ضمن حفلات رأس السنة، عقب الابتعاد عن الحفلات لفترة طويلة بسبب فيروس كورونا المستجد، فمن المعروف أنه يخشى الإصابة به.

ونشر رامي صبري "بوستر حفلته" عبر حسابه بتطبيق الصور والفيديوهات "انستجرام"، وعلق عليها: "حفل رأس السنة 31 ديسمبر، بفندق إنتركونتتنتال، سيتي ستارز القاهرة".  

ومؤخرًا، كشف الفنان رامي صبري السبب وراء قبوله تحدي الشاعر تامر حسين، لإعادة غناء أغنية الهضبة الجديدة "محسود"، وذلك ليؤكد فكرة عدم وجود خلافات تجمعه بعمرو دياب.

ونشر رامي صبري صورة من رد عمرو دياب، على غنائه للأغنية عبر موقع "تويتر"، وكتب قائلا: "كلام من القلب، ‎أولًا أنا عملت تحدي لأغنية محسود علشان حاجتين، ‎أولهم علشان الأغنية حلوة أوي، وأنا بحب النوع ده من الأغاني، ألحان صديقي ‎الملحن خالد عز".

وتابع صبري: "‎ثانيا علشان أقول لناس كتير من الجماهير، إن العلاقة بيني وبين الفنان الكبيرعمرو دياب، علاقة محترمة من عندي ومن عنده، حتى الكلام اللي وحش اللي دايما بشوفه على السوشيال ميديا، مكانش بيغيَّر حبي واحترامي ليه، بالعكس أنا كنت بشتغل أكتر، إني أعمل أغاني مهمة ، وده حصل آخيرا من انهاردة".

كما سبق وكتب رامي صبري، عبر حسابه على "فيس بوك": "عايز كل الجمهور الكبير، جمهورعمرو دياب، يفهم إني بحترم هذا الرجل، وبحترم تاريخه جدا، ومفيش بينَّا أي عداوة أو كره، زي ما بعض الناس بتقول، مبروك الألبوم يا هضبة، ودايما مشرفنا وفخورين بيك، وشكرا لكلامك الحلو، ‎ومبروك لكل صناع الأغنية الحلوة دي، ‎الشاعرالكبير تركي آل الشيخ، الملحن الكبير خالد عز، الموزع الكبير عادل حقي".

رامي صبري: "العلاقة بيني وبين عمرو دياب محترمة.. ومفيش بينا أي عداوة" (صورة)