أحمد زاهر: "من حق الجمهور إنه يتصور معايا ومع بنتي ولكن مينفعش يحط إيده على ضهرها" (فيديو)

علق الفنان أحمد زاهر، على ما يفعله بعض المعجبين من تصرفات مع ابنته "ليلى"، حينما يطلبون منهم التقاط بعض الصور التذكارية معها.  

وقال أحمد زاهر خلال مداخلة هاتفية مع مع الإعلامي عمرو أديب ببرنامج "الحكاية" على قناة MBC مصر: "من حق الجمهور إنه يتصور معايا ومع بنتي، علشان هما اللي عملونا فنانين، ولكن مينفعش حد يحط إيد على ضهرها".  

وتابع: "أنا راجل بخاف على بنتي.. وأي أب في الموقف ده كان ممكن يضرب الولد.. ولكن علشان أنا بمثل قدوة للناس فمينفعش حد يشوفني بتصرف بالشكل ده".

وأضاف: "بناتي خط أحمر.. وأنا عمري ما هتكبر على حد، والجمهور له فضل عليا ولكن أنا همشي بجاردات ولا إيه؟!".  

وينتظر أحمد زاهر عرض مسلسله "لؤلؤ"، والذي يشارك به عدد كبير من النجوم، أبرزهم مي عمر، نجلاء بدر، نيرمين الفقي، ملك أحمد زاهر، وآخرين.