"القاهرة 24" يواصل نشر نص تحقيقات أصدقاء طفل المرور.. "اللي شتم الأمين هو أحمد أبو المجد" (مستندات)
يواصل "القاهرة 24" نشر نص التحقيقات في قضية طفل المرور، التي أثارت موجة عارمة من الغضب على مواقع التواصل الاجتماعي، بعد إهانة الطفل و3 من أصدقائه، أحد رجال الشرطة والتنمر به.
فشلا في إجهاضها.. حكاية اغتصاب فتاة حلوان المعاقة على يد زوج جدتها (تفاصيل)
ووجهت النيابة العامة في سؤالها إلى المتهم مصطفى تامر عبد العال صديق طفل المرور عدة أسئلة جاءت على النحو التالي:
س: اسمك وسنك؟
ننشر أسماء المتوفين أثناء هجرتهم غير الشرعية بالقرب من السلوم (صور) ج: مصطفى تامر عبد العال عبد الوهاب، 17 سنة، طالب بالصف الثالث الثانوي.
س: ما قولك فيما هو منسوب إليك أنك متهم وآخرون بإهانة أحد رجال المرور بالقول والتهديد أثناء تأديته لوظيفته حال طلبه رخص السيارة من المتهم أحمد أبو المجد؟ ج: محصلش أنا مشتمتش حد ولا اتكلمت مع أمين الشرطة واللي شتم هو أحمد أبو المجد.
س: ما قولك فيما هو منسوب إليك أنك متهم باستخدام حساب خاص على موقع فيس بوك بهدف ارتكاب جريمة يُعاقب عليها القانون بنشر مقطع مرئي خاص بتعدي المتهم أحمد أبو المجد على أمين الشرطة؟
ج: محصلش أنا فعلًا صورت الواقعة بتاعة أحمد وأمين الشرطة وبعتها لأحمد على تليفونه الخاص به ومنشرتش حاجة على فيس بوك.
س: ما الذى حدث إذًا وما أوجه دفاعك؟
ج: "اللي حصل إن أنا يوم الواقعة كنت مع صاحبي رامز عصام في بنزينة قاعدين في كافيه جوه البنزينة، ودى مكانها في ميدان بيتشو في أول طريق العين السخنة، وكان موجود يوسف أبو عوف وعمرو أحمد وأحمد أبو المجد، كانوا قاعدين مع بعض وبعد كده روحت أنا ورامز وقعدنا معاهم ربع ساعة".
وتابع المتهم قائلا: "بعدها أحمد قالنا أنه هيخرج يجيب أكل ولقيت أحمد جاي ومعاه عربية مرسيدس بيقول انها بتاعت صاحب والده، فركبنا معاه وأول ما خرجنا من البنزينة لقينا أمين الشرطة وقف أحمد وكنت مشغل ستورى كملت تصوير، بعديها أحمد مرضيش يقف وكمل مشى، فأمين الشرطة خبط بإيده الشمال المراية الشمال للعربية، فأحمد وقف بعديها بشوية والأمين جه ناحيتنا وسأل أحمد على الرخص وقاله مش معايا وقاله فين كمامتك ، قاله مش معايا واحنا قعدنا نضحك وسأله على الرخص تاني وقاله اركنلي على جنب فأحمد مرضاش ومشي بالعربية وأمين الشرطة رفع رجله اليمين وخبط الباب بتاع العربية فاحمد شتمه بأمه وبعدها قفلت تصوير الفيديو".
س: إلى أين توجهتم عقب ذلك؟
ج: إحنا مروحناش في حتة، أحمد عرف ساعتها أنه غلط في أمين الشرطة ولف الناحية التانية ورجع لمكان وقوف الأمين.
س: ما صلتك بالمقاطع المرئية والصور المعروضة عليك؟
ج: الفيديوهات الثلاثة دول خاصين بواقعة المشكلة مع أمين الشرطة والفيديو الأول وقت لما كنا كلنا راكبين العربية المرسيدس، والأمين وقف أحمد وطلب الرخصة منه وأحمد شتم الأمين في الفيديو ده، والفيديو التاني كان بعد ما أحمد شتم الأمين وجري، وقفنا بعيد ونزلنا كلنا روحنا للأمين نتكلم معاه، والفيديو التالت برضه وقت ما كنا واقفين نتكلم مع الأمين برضه والصورتين دول أنا واخدهم سكرين شوت ودول صفحات على الانستجرام نشروا الواقعة بتاعتنا.
س: ما الذى دعاك إلى تصوير تلك المقاطع؟
ج: المقطع الأول أتصور صدفة لما كنت فاتح الاستوري بتاع الانستجرام والمقطعين التانيين أنا صورتهم بناء على طلب أحمد أبو المجد.
س: ولم طلب منك المتهم أحمد ذلك؟
ج: هو أحمد قال كدة علشان يوري لأبوه أن أمين الشرطة هو اللي كسر مراية العربية.
س: ما المقصود بالعبارة الواردة بالمقطع الثاني على لسان المتهم أحمد "العربية ديه عليها حصانة"؟
ج: هو أحمد قال الجملة دي لأمين الشرطة بس ممكن يكون كان قصده لما الأمين كسر المراية بتاعة العربية.
س: ومن القائل عبارة "أنا بصور اللقطة لوالده وبس"؟
ج: أنا اللي قولت كده لأني كنت أنا اللي بصور بتليفوني بناء على طلب أحمد أبو المجد.
س: ولماذا تم تصوير الفيديو الثالث؟
ج: صورت جزء من الاعتذار كان مدته 9 ثواني بس أنا مسحته من على التليفون والكلام ده كان يوم الخميس اللى فات.
س: وضح لنا ما سبب إرسالك المقاطع والصور للمدعوة حبيبة صالح؟
ج: أنا وهي كنا بنتكلم الصبح وكنت بقولها إني مش هقدر أجي الدرس النهارده علشان مطلوب للمحكمة فسألتنى ليه، قلتلها علشان موضوع أمين الشرطة وبعتلها الفيديوهات علشان كدة.
