لحظات مؤثرة في حياة شيما الحاج.. وكيف أثرت الشائعات فيها؟ (فيديو)
كشفت شيماء يونس "شيما الحاج" حقيقة ما تم تداوله عن وفاة والدها، وهو على قطيعة بسبب بعض الخلافات واختلاف وجهات النظر بينهما، بسبب رغبتها في خوض مجال التمثيل.
وقالت شيماء يونس، خلال ندوتها بمقر "القاهرة 24"، عن تلك الخلافات: "في أخبار كتير أوي نزلت قبل كده، ووالدي كان زعلان منها، والكلام ده محصلش، لإني كنت روح وعين والدي، ومش عارفة الناس بتجيب الكلام الغريب ده منين".
وتابعت: "أنا كنت متعلقة بوالدي، وإحنا بنتين بس، ومن كتر ما أنا كنت متعلقة بيه، كان قاصصلي شعري زي الولد ومسميني (أبو سمرة)، وكان بياخدني معاه في الرايحة والجاية، فدي أكتر شائعة أننا زعلت منها لما اتقال إن والدي كان زعلان مني، ولكن الحقيقة إن والدي توفي وأنا كنت تحت رجليه، والشائعة دي ضايقتني جدا".
وسردت تفاصيل آخر زيارة له في مصر التي توفي بعدها وقالت: "هو مشي من مصر وقالي أنا مش راجع تاني، قولتله متقولش كده وأنا اللي وصلته للمطار، وحتى وهو ماشي مبصش وراه، وبالتالي حسيت إنه داخل باب المطار ومش راجع تاني، وبعدها بـ15 يومًا توفي، وكان مريضًا بالقلب، وللأسف مقدرتش أنزله، لأن الباسبور كان منتهي، وكان في مشاكل كتير هناك، فمعرفتش أروح له".
شيماء يونس في ندوة "القاهرة 24": "الإنسان لو متحاربش يبقى مش موجود"
شيما الحاج تلتزم الصمت بشأن أزمتها مع منة فضالي في "سكن البنات"
