من واقع التحقيقات صديق طفل المرور: "أمين الشرطة صعب على أحمد ورجع عشان يعتذر له"(مستندات)

يواصل "القاهرة 24" نشر نص التحقيقات في قضية طفل المرور، التي أثارت موجة عارمة من الغضب على مواقع التواصل الاجتماعي، بعد إهانة الطفل و3 من أصدقائه، أحد رجال الشرطة والتنمر به.

ووجهت النيابة العامة في سؤالها إلى المتهم عمرو أحمد مازن البالغ من العمر 16 عامًا صديق طفل المرور عدة أسئلة جاءت على النحو التالي:

س: ما قولك فى ما هو منسوب إليك من أنك متهم وآخرين بالتنمرعلى أمين شرطة، بأن قمتم بتوجيهه الألفاظ له بقصد وضعه موضع سخرية حال كونكم أكثرمن شخصين وذلك على النحو المبين بالتحقيقات؟

من نص التحقيقات.. صديق طفل المرور: "حاولنا نهديه وهو كان قاصد يهزأ الأمين" (مستندات)

ج: محصلش.

س: ما قولك فيما هو منسوب إليك من أنك متهم وآخرين بإهانة موظفا عموميا، وأحد رجال الأمن وهو المجنى عليه أمين الشرطة، وذلك بالقول والتهديد وبسبب تأديته لوظيفته حال طلبه رخصة السيارة من المتهم أحمد أبو المجد، إلا أن الأخير بادره بتوجيه ألفاظ السباب له والوعيد حال توجتك على مسرح الجريمة على النحو المبين بالتحقيقات؟

ج: محصلش مني حاجة، واللى شتمة أحمد أبو المجد.

س: ما الذى حدث إذن؟ ج: "اللى حصل إنى كنت قاعد في البيت، أول الأسبوع، وساعتها كلمت أحمد أبو المجد الشهير "بحريقة"، واتفقنا اننا نتقابل في بنزينة وطنية اللى جنب بتشو أمريكين، واتقابلنا وكان معاه عربية مرسيدس لونها أسود، حوالي الساعة 11 صباحا تقريبا، عشان أحمد أبو المجد مكنش بيروح المدرسة، وقعدنا شوية في البنزينة وشربنا حاجة ساقعة".

وتابع المتهم قائلا: "وساعتها أحمد أبو المجد ساق العربية وأنا قعدت جنبه وروحنا عند واحد اسمه أبو عوف صاحب أحمد، وأنا أول مرة أشوفه، وساعتها أنا وهو بدلنا الأماكن أبو عوف قعد قدام وأنا رجعت وراء على الكنبة، ورجعنا البنزينة اللي كنا وافقين فيها تاني، وبعدين قعدنا وأحمد كلم رامزعصام صاحبنا، وساعتها رامز جه ومعاه مصطفى صاحب أحمد ومصطفى، كان معاه عربية تانية قديمة معرفش ماركتها ايه، وقاعدنا نرغي قدام البنزينة وساعتها اتفقنا كلنا نروح ناكل في مطعم اسمه كوينكز في شارع الخمسين بالمعادي، وساعتها اتحركنا بعربية واحدة بتاعت أحمد المرسيدس".

وأضاف عمرو صديق طفل المرور: "ساعتها أحمد ساق العربية وأنا قاعت جنبه، وأصحاب أحمد ركبه على الكنبة، وساعتها قابلنا أمين الشرطة وكان واقف في ميدان "بتشو"، ووقفنا ساعتها، وأحمد أبو المجد، كان ماسك التليفون وباصص فيه ومختش باله من الأمين وهو بيوقفه، فانا قولته اقف عشان عمو الظابط، فا هو وقف بالعربية، وبعدها بشوية حوالي متر تقريبا، وساعتها أمين الشرطة قال لأحمد فين رخصك؟. قال مش معايا وأحمد قاله أنت فين كمامتك، فقاله اقف على جنب فا سعتها أحمد قاله العربية عليها "حصانة".

واستكمل المتهم قائلا: "وساعتها أمين الشرطة قاله اركنها على جنب وسيب العربية، فساعتها أحمد مشى شوية بالعربية، وأمين الشرطة طلع رجله خبط في الباب وفي المراية وكسر جزء من المراية، وده اللى أحمد قالهولى، عشان أنا مشفتش المراية، وساعتها أحمد شتمه، وقالنا لازم ارجعله عشان صعب عليا، فعلا رجعناله أحنا الخمسة واعتذرنا وقولناله متزعلش وساعتها قولته أن صحبى غلطان ومتزعلش، وساعتها فضل يهرج معانا وقالنا ساكنين فين، فقولناله وقاعدنا نلف بالعربية وروحنا، وتاني يوم اتقابلت مع أحمد وكان سائق عربية "جولف" وقابلنا نفس أمين الشرطة وقاله أنت كل يوم تيجى بعربية شكل، وأحمد رد وقاله شوفت بقي وأمين الشرطة مسئلش على الرخص وسابنا ومشينا، وإمبارح فوجئت بكذا مقطع فيديو على الإنستجرام وكذا حد كان عملها مشاركة، وساعتها عرفت أن "مصطفى" اللى كان معانا هو اللى صور المقطع ده، هو دةه اللى حصل".

"القاهرة 24" يواصل نشر نص تحقيقات أصدقاء طفل المرور.. "اللي شتم الأمين هو أحمد أبو المجد" (مستندات)

س : وما هى طبيعة علاقاتك بسليف الذكر؟ ج : أحمد أبو المجد صاحبي من نادي المعادي، ورامز عصام ساكن جنبي في زهراء المعادي، ومصطفى وأبو عوف أصحاب أحمد.

س: هل توجهت إلى المدرسة في يوم الواقعة؟

ج : لا أنا مكنش عندي مدرسة بسبب الكورونا بنروح يوم واحد الثلاثاء.

س:  ما هو وصف تلك السيارة تحديدا؟ ج : هي مرسيدس أسود اللون وزجاج فامية.

س : ما هي نوع السيارة التى يقوها مصطفى؟

ج : معرفش ماركتها ايه ولا نوعها بس هى قديمة.

س : ما مدي علمك لكيفية تحصله عليها؟

ج : معرفش.

س : وما التصرف الذى بدرمنكم انإذاك؟ ج : احنا اتفقنا اننا كلنا نروح ناكل، وهو صاحب أحمد أبو المجد ومصطفى كان عربية قديمة وقاعنا نرغى قدام البنزينة، وقررنا ناكل فى مطعم اسمه "كوينكز"، وساعتها اتحركنا بعربية مرسيدس.