طليقة طارق العريان تفحم أصالة برسالة نارية: "كفاية تشهير هو مش خاين وإنتي عارفة"

وجهت هالة العتال، طليقة المخرج طارق العريان الأولى، رسالة نارية للفنانة السورية أصالة نصري، بعد تعليقها على الصورة المتداولة للعريان برفقة فتاة شابة تدعى نيكول سعفان.

وكتبت هالة عبر حسابها الشخصي على موقع التواصل الاجتماعي "فيسبوك": "دي أول مرة ممكن أرد فيها، الصوره قاسية عليكي طيب أنا لما كنت بشوف ألف صورة وابني مش موجود فيها، يا ترى إحساسي كان إيه؟ كان أكتر من قاسي كان مقهور، طيب لما كنتي بتكتبي العائلة وابني مش موجود فيها، إحساسه هو كان إيه؟ أولادك عندهم أب، أيمن الذهبي حي يرزق لكن ابني كان عنده أب واحد بس وللأسف مش حقدر أقول تفاصيل".

وأردفت: "طيب لما كنا بنحاول نتكلم كان ردك إيه يا ترى قاسي ولا حنون زي ما إنتي دلوقت، الجواز والحب والعشرة فيه تفاصيل محدش يقدر يعرفها، طيب مفكرتيش في يوم من الأيام إن ممكن الأب يشتري ابنه اللي من دمه ويرفض الظلم، طيب مفكرتيش إن في نفسية ولد ممكن تتدمر، طيب دلوقت أولادك زعلانين من الكسرة، طيب يتكلموا معه ليه لحد دلوقت، أرجوكي كفاية، في أولاد وأنا من حقي أدافع عن ابني اللي نفسيته بقيت مش حلوة من كتر الحرب على أبوه، كفاية، بعد الانفصال اللي كنت بتمنى استمرار ليكم وربنا يشهد عليه بس ده نصيب".

وتابعت: "الأهم دلوقت الأولاد كفاية تشهير في طارق هو مش خاين وأنت عارفة ده كويس جدًا والأهم من الراجل دلوقت الأولاد بس بلاش نشوة الصورة وهو حر وإنتي عشتي معه 13 سنة وأنا عيشت 10 سنين، ومعملتش أي حاجة من دي عمري، لأن الأهم كان ابني مش أنا، أرجوكي كفاية من فضلك، لأن طارق أحسن أب في الدنيا مع أولاده وإنتي عارفة ده كويس".

رضوى الشربيني تدعم أصالة: "الخاين لا يتزعل عليه.. ولا يستاهل دمعة واحدة منك" (تدوينة)

بعد صورة طارق العريان.. أحلام لـ"أصالة": "الدنيا سلف ودين يا حبيبتي"