حمو بيكا بعد إلغاء حكم حبسه: "عرفت الصاحب الأخ من الصحاب بتوع الفلوس"
وجه مطرب المهرجانات حمو بيكا رسالة شكر للفنان هاني شاكر، نقيب المهن الموسيقية، بعد تقديم تصالح وتنازل منه على تنفيذ الحكم الصادر حقه بالحبس لمدة عامين مع الشغل وكفالة 5 آلاف جنيه، بتهمة سب نقيب وأعضاء نقابة المهن الموسيقية.
وقال حمو بيكا، خلال "لايف" عبر حسابه الشخصي بموقع التواصل الاجتماعي "فيس بوك"، "أشكر الأستاذ هاني شاكر وأعضاء النقابة أن الحمد لله إمبارح أخذت براءة، وهما تنازلوا على القضية الحمد لله أن طلعت منها بالسلامة، لكن مش كنت أتوقع من ناس أكلت معاها عيش وملح وكنا بنقعد مع بعض أكتر ما بنقعد في بيتنا مش رفعت حتى سماعة تليفون وسألت عليا بس عادي".
وتابع بيكا: "أنا وقفت مع كل صحابي وأخواتي في الحزن قبل الفرحة بس دي حاجة علمتني الصاحب الأخ من صاحب الشغل والمادة بتاعت الفلوس مش عايز أعرفها تاني ورمينا كتير وضيعنا عشانهم، وفي ناس كتير وقفت معاهم برقبتي وكنت ممكن أموت بسببهم بس أقول يلا مش مهم إحنا أخوات".
واختتم: "ناس مني مش كنت أتوقع من رابع المستحيلات أن هما مش يسألوا عليا، بس الحمد لله ليا أخواتي تانيين وقفوا معايا كل واحد قدرني في حزني حتى لو بالكذب فوق دماغي، أمال اللي مش سأل أنا مش محتاج منكم حاجة كله عند ربنا مش عندكم".
بعد تنازل هاني شاكر.. المحكمة الاقتصادية توقف قرار حبس حمو بيكا
إلغاء حكم حبس حمو بيكا في سب نقيب الموسيقيين
