مؤلف "لؤلؤ": "محمد سامي له فضل عليا ومي عمر تعبت كتير في المسلسل" (صورة)
عبر الفنان محمد مهران عن استحواذ مسلسل "لؤلؤ" على إعجاب مجموعة من الجماهير، حيث يعد المسلسل أولى تجاربه في مجال التأليف.
ونشر محمد مهران مجموعة صور من كواليس العمل، عبر حسابه الشخصي بموقع التواصل الاجتماعي "فيس بوك"، وقال: "مبروك لكل صناع مسلسل لؤلؤ، مبروك يا مي، إن شاء الله المسلسل يعجب الناس ويحبوا لؤلؤ وأنت تعبتي كتير في المسلسل، وأكيد ربنا هيجازيكي على قد تعبك".
وتابع: "أما بالنسبة لشعوري بفرحتي، وأنا بقرأ اسمي ومكتوب جمبه (سيناريو و حوار)، إحساس مش عارف أوصفه، بس أقدر أوصف أول حاجة جات في بالي وأنا بتفرج على أول مشهد من مسلسل لؤلؤ".
وأضاف: "افتكرت مكالمة جاتلي يوم 26/ 7 /2020 من الأستاذ محمد سامي، قالي فيها إيه رأيك تكتب سيناريو وحوار مسلسل لؤلؤ، أكتر حاجة استغربتها إني عمري ما قولتله إني بحب الكتابة، أو حتى هو قرالي أي حاجة، وبصراحه في الأول خفت من المسؤولية الكبيرة دي بس قررت أخوض التجربة".
وأردف: "اكتشفت إني أهم حاجة طلعت بيها من التجربة دي، إني اتعلمت كتير من الشخص اللي ليه فضل عليا بعد ربنا سبحانه وتعالى إني أعرف اكتب مشهد من بدايته لنهايته، من أول ما قالي المشهد يتكتب بالورقة والقلم لحد آخر كلمة تتكتب في المسلسل".
واختتم حديثه: "الشخص ده هو الاستاذ محمد سامي اللي لازم يكون أول شخص أشكره، مش لكونه إداني فرصة إني أكتب السيناريو والحوار للمسلسل، ده لأنه علمني يعني ايه اكتب سيناريو وحوار، وده شئ هفضل فاكره فإي مشهد لأي عمل هكتبه بعد كده شكرا وشكرا وشكرا، لربنا إنه قدر إني اتعلم كتابة الدراما على إيدك".
مواعيد عرض مسلسل لؤلؤ لـ"مي عمر"
محمد سامي يرد على هجوم "العدل" بشأن مسلسل "لؤلؤ": "دي حاجة موجودة في العالم كله"
