زينة: "مشاكلي الأخيرة لها علاقة بدخولي الكلية من جديد.. وصحابي شايفين أني بشع طاقة سلبية"
أكدت الفنانة زينة أنها خائفة من فيروس كورونا المستجد، الذي انتشر مؤخرًا بشكل كبير خاصًة بين نجوم الوسط الفني، وأبرزهم الفنانة يسرا، إيناس الدغيدي، جمال العدل، وغيرهم.
وتحدثت زينة في تصريحاتها لـ"ET بالعربي" عن خوفها من الفيروس، حيث قالت: "خائفة جدًا من كورونا وسماعة الموبايل باظت بسب الكحول، وبدأت أرش كحول على وشي مش عارفة أعمل إيه".
وتابعت زينة: "أنا خائفة من زمان ولكن ماكنتش مصدقة والصدمة كانت كبيرة أني استوعبها شوية، ودلوقت الحالات في البيوت كلها، وأنا من الناس الي بيتعمقوا في الحاجة الي بتخوفهم لدرجة أن صحابي بيقوا خايفيين مني، وشايفين أني بشع طاقة سلبية".
وأضافت زينة عن الفيروس: "هو دا هايجلنا كل شوية ويبقا متطور، ومن شهر 11 لـ شهر3، هايبقا عندنا كورونا لحد ما عمرنا يخلص، وكل الناس بتاخد احتياطها".
تفاصيل قضية زينة مع الأسرة الأمريكية في دبي
أما عن إصابة الفنانة يسرا بفيروس كورونا فقالت زينة: "مش خايفة عليها عشان هي قيمة بس، أنا خفت عليها كبني آدامة، روحت الامتحان لابسة كمامتين وبوت، لدرجة كان هايغم عليا في اللجنة".
وكشفت زينة تفاصيل إلتحاقها بكلية الحقوق، حيث قالت: "دخلت كلية حقوق جامعة القاهرة وكنت بمتحن وكدا، وروحت عشان 3 مواد، مارضيتش أضيع السنة، كنت في تجارة جامعة عين شمس، واما دخلت الكلية حاسة اني ورطت نفسي عندي مسؤلية كبيرة جدا، وسيرين أختي الي شجعتني وانا خدتها من دافع إنساني عشان اساعد الناس، ودخلت الكلية بعد ما خلصت مشاكلي وبرضو المشاكل الي تعرضت لها لها جزء كبير في دفعي لدراسة الحقوق".
محكمة الأسرة تلزم أحمد عز بدفع 30 ألف جنية إسترليني مصاريف لأبناء زينة
