ليلى علوي عن وحيد حامد: "فقدنا دماغ كانت مهمومة بالمواطن المصري والإنسانية"

رويت الفنانة ليلى علوي، مواقف جمعتها بالراحل الكاتب الكبير وحيد حامد، الذي وافته المنية اليوم السبت، بعد صراع مع المرض، عن عمر ناهز الـ 76 عاما.

وقالت ليلى علوي في مداخلة هاتفية عبر برنامج " كلمة أخيرة" الذي تقدمه الإعلامية لميس الحديدي على شاشة "ON": "الراحل كل أعماله في السينما وبصماته وتأثيره في الشارع وحب الناس ليه موجود ومستمر، وبالنسبة لي أنا حزينة جداً لأني فقدت دماغ بتكلم معاها وبفكر معاها وبشوف بتفكر إزاي؟ وبتحلم إزاي؟ وهي دماغ مهمومة بالإنسانية والمواطن المصرية والبلد وكل صغيرة وكبيرة، فعلا الكويسين بيروحوا".

وأكملت علوي: "كان عنده إيجابية على طول رغم أنه كان بيكتئب ويغضب ويحزن كتير لكن سرعان ماكان ذلك يتحول لإيجابية وطاقة وتحدي وصراع وإصرار أن يكتب ويكمل وحول فيلم إضحك الصورة تطلع حلوة، كفاية عنوان الفيلم واسم الفيلم".

وتابعت: "أنا عملت معاه  فيلم "المساطيل" كن رائع.. إزاي كان بيجيب النجوم وكل واحد يبقى عنده لغته ويعرض مشكلته وحوار كل شخصية، مش عاوزة أتكلم أنا عملت معاه إيه، لكن أتكلم إحنا ااتعلمنا من أعماله إيه؟ سلسلة من الأعمال السينمائية والدرامية أثرت  فعلياً وحقيقي داخل المجتمع المصري حتى لو عرضت لأجيال أخرى لازالت ممتعة والناس مبسوطة بيه وبحواره".

واختتمت مداخلتها قائلة: "كان  ذكي قد إيه كان بيرشق صح في المكان المظبوط دقيق ولاحرف أطول ولا أقصر، كان مبدع ولديه ملكة الكتابة، وكان يحب الشباب ويتحدث معاهم ويستمع إلى مشاكلهم ويرى أحلامهم كان عايش 24 ساعة في الحياة".

بعد وفاة وحيد حامد.. ما مصير مسلسل "الجماعة 3"؟

دفنه بنفسه.. ثلاث مشاهد في وداع وحيد حامد كان بطلها شريف عرفة