باسم سمرة عن رحاب الجمل: "آخر مرة جايبها من القسم.. وأي حد هيتكلم عني تانى مش هسكت"

رد الفنان باسم سمرة على اتهام زميلته رحاب الجمل له بالإساءة لها ولزملاء آخرين أثناء التحضير لفيلم "الديك العياط".

وقال "سمرة" خلال مداخلة هاتفية في برنامج "الحكاية" الذي يقدمه الإعلامي عمرو أديب عبر شاشة "Mbc مصر": "الموضوع أتفه من كدة وأبسط من كدة.. الفنانة اللى قالت الكلام دة كان عندها سفر قبل يوم 14 وعاوزة تخلص الفيلم.. وبحاول أقولها استني شوية يومين 3 وبعد كدة سافري.. لأن فيه تظبيط فى الفيلم وكدة وقالت بعد كدة خلاص بعتذر.. وقلت للمخرج خلاص نجيب واحدة تانية". 

وتابع: "كان عندي مسلسل معرفش مين فيه الأبطال الأساسين وكانت طالبة فلوس زيادة ومشوها والبنت افتكرت أن أنا مشيتها من الفيلم والمسلسل، أنا مش عاوز أطلع دور البريء اللى هيغلط هظبطه يعني.. الحكاية كنا قاعدين فى فندق شهير ومفيش الكلام دة". 

وأضاف: "آخر مرة جيبها من القسم.. لأن جوزها كان نصاب وماشي بـ2 لاسلكي ورحت جبتها من القسم وكانت ملهاش ذنب، أي حد يتكلم عنى تانى مش هسكت.. وبحترم النقابة جدًا في قرارها". 

باسم سمرة يتقدم بشكوى رسمية ضد رحاب الجمل بتهمة التشهير به