هاني مهنا: "جمال وعلاء مبارك ونظيف وعز وحبيب معندهمش قضايا فساد فظيعة" (فيديو)
عبر الموسيقار هاني مهنا، عن سعادته البالغة وحسن حظه، بدخوله سجن طرة خلال فترة حبسه التي استمرت 6 أشهر، ومقابلته لكل من جمال وعلاء مبارك وحبيب العادلي.
قال هاني مهنا خلال ندوته بمقر "القاهرة 24" عن تلك الفترة: "من حسن حظي الكويس، أني روحت مزرعة طرة، فلقيت هناك حبيب العادلي، وجمال وعلاء مبارك، وأحمد عز، ولازم الكل يفهم إن الأشخاص دي لازم تكون بعيدة عن الإخوان والمتطرفين والبلطجية، علشان ممكن حد يرتكب جرم والأمن المصري بالشكل ده يخترق، والأمن كان عامل حسابه أوي لده داخل السجن، والكلام ده كان في أول سنة 2014".
وتابع: "المكان اللي كنا قاعدين فيه ده حسنة اتعملت من الإخوان، لإن اللي كان محبوس فيه قبل كده، أباطرة زي الدكتور أحمد نظيف، زكريا عزمي، أحمد عز، هشام طلعت مصطفى، وبالتالي كانوا مدينهم نوع من الترفيه، وكانوا ممكن يحطوا تلاجة أو غسالة أو تليفزيون، والناس دول كلهم مش جايين من الشارع، ومكانش عندهم قضايا اتحكم عليهم فيها لسه، أو قضايا فساد فظيعة، فدخلنا إحنا على التطورات الموجودة دي، وكلهم ساعدوني ومنهم اللي إداني تلاجة واللي إداني شاشة، وبعدها جبت حاجتي".
هاني مهنا: حسني مبارك ارفع له القبعة.. ولكني "واخد على خاطري منه"
"كانت طعنة في حقه".. هاني مهنا يكشف أسباب رفض حسني مبارك إقامة احتفالية عيد الفن
