هاني مهنا: المحيطون بحسني مبارك أساءوا له.. والسيسي أبعد المنتفعين وقرب الكفاءات (فيديو)

كشف الموسيقار هاني مهنا رأيه في عصر الرئيس الأسبق محمد حسني مبارك، وسبب وجود بعض السلبيات بهذا العهد، مشيدًا بأداء الرئيس عبد الفتاح السيسي في السيطرة على زمام الأمور.

وقال "مهنا" عن فترة حكم حسني مبارك، خلال ندوته بمقر"القاهرة 24": "للأسف المحيطين بحسني مبارك، دول اللي أساءوا له وأبنائه، لأن كلهم كانوا منتفعين، وعشان كدة الرئيس السيسي راعى ده ومعاه ناس على أعلى مستوى، لأنه لا يحب الاستثناءات، وماشي بإيقاع سريع جدا ومفيش تجاوزات، واكتسب من السلبيات اللي حصل في عصر مبارك، وابتعد عنها في عصره".

وكشف كيف كان يتعامل معه كل من جمال وعلاء مبارك في السجن، قائلا: "جمال وعلاء مبارك وحبيب العادلي كانوا أكثر ناس ملتزمة في السجن، ومجرد ما الساعة تيجي 5 كانوا يدخلوا الزنزانة بتاعتهم، ويلتزموا بأي مواعيد، وحسيت فيهم التربية الجامدة، والحرص على النصح".

وتابع: "سألت جمال عن التوريث، وقالي أنا مكنتش هترشح ومكنش هيحصل توريث، وكل يوم كان بيشوف والده بيموت والضغوط اللي عليه بتوصل للمرض، وشايل هم شعب مصر كله وصعبان عليه والده، وكان بيحاوط عليه علشان يفضل على الحياة، وأقسم لي إنه عمره ما كان هيترشح".

هاني مهنا لمنتقدي علاقته بـ"جمال" و"علاء مبارك": "القضاء برأهم.. وغير مسؤول عن جهل البعض" (خاص)

هاني مهنا: "القرآن الكريم كان الفاصل بيننا في السجن.. وجمال وعلاء مبارك ليسا صهاينة" (فيديو)