شيماء سيف: هربت من منتج بعد ما أخدت أجري قبل انتهاء التصوير.. و"الحمام" أصعب شيء في التمثيل
حلت الفنانة شيماء سيف ضيفة على برنامج "لايف من الدوبلكس"، الذي تقدمه الدمية أبلة فاهيتا، حيث كانت حلقة مليئة بالمواقف الكوميدية.
وتحدثت شيماء سيف عن حياتها وطفولتها وطريقتها في العمل والمعايير التي تحكم بها على الأدوار التي تُعرض عليها.
ونعرض في السطور التالية أبرز تصريحات شيماء سيف في الحلقة.
- أنا من مواليد 7 أغسطس عام 1980.
- اسمي بالكامل هو "شيماء فتحي محمد رشاد"، أما اسم الشهرة شيماء سيف فهو نسبة للمخرج سيف ممتاز الذي اكتشفني وله فضل كبير عليّ، فحبيت أديله اسمي للأبد.
- لا أذهب لمهرجان الجونة لأني أعقد في منزلي مهرجانًا خاصًا، اسميه مهرجان النقد الدولي، وخلاله أشاهد كل الفساتين وانتقدها بداية من الفستان وتسريحة الشعر وحتى اختيار لون الشراب ومفيش ممثلة بتعدي من تحت إيدي.
- والدتي كان عندها طموح وأنا صغيرة ألعب كارتيه فودتني والمدرب كان بيشرح وأنا طبعًا مش هاعمل أي حاجة فكنت بضرب العيال في ثانية وخلاص فراحوا مشوني.
شيماء سيف تحتفل بعيد ميلاد والدتها:" كل سنة وإنتى سر سعادتي"
- نفسي أعمل دور رقاصة وحاسة إني هعمله كويس لأن أنا عندي إمكانيات مدفونة، وأنا اتفرجت على نفسى وأنا برقص حسيت إن الكافر الخارجي مدارى كتير وبيكون جوايا حاجة نفسى تظهر ومش بلاقيها.
- أنا كممثلة أول حاجة لما بدخل التصوير الأول على لوكيشنات التصوير، لو فيلا مقفولة وكده تمام ولو لوكيشن شوارع وكدة بقولهم مش فاضية ومسافرة.
- أصعب شىء في التمثيل هو فكرة الحمام، أنا مش بحب أدخل حمام غير حمام بيتنا وحمام الكرفان ضيق وجسمى بيخبط فيه فأنا بناشد اللى بيعملوا الكرفانات يوسعوا الحمامات عشان مش كل الممثلين رفيعين.
- الإنسان مينفعش ينزل ولا يبدأ يومه خالص من غير ما يفطر الأول، ودي أكثر معلومة فاكراها من مرحلة ابتدائى.
- جوزي عنده أمل إني أتغير وأبطل أعمل كدة، وأنا بعشق المقالب وبنفذها في أصحابي وزملائي في التصوير.
- تعرضت للنصب من منتج لما شاركت كضيفة شرف في مسلسل بعد ما اتفقت على أجري مع المخرج على أساس حلقة واحدة بدور أختين توأم إحداهما راقصة والأخرى طبيبة، أحد أصدقائي بلغني بعد ما صورت نص المشاهد أن الشخصيتين ليس لهما علاقة ببعضهما وفي حلقتين مختلفتين، وأن المنتج مزج السيناريو لتقليل أجري، فقررت أني أهرب من الكرفان بعد ما أخدت أجري قبل تصوير باقي المشاهد.
شيماء سيف: "عندي إمكانيات مدفونة ونفسي اعمل دور رقاصة" (فيديو)
