لبلبة: "لما بشتغل مع عادل إمام بسيب نفسي وهو بياخد باله من كل حاجة" (فيديو)
تحدثت الفنانة الكبيرة لبلبة عن علاقتها بالزعيم عادل إمام، طوال هذه السنوات الماضية، بعدما نجحا معًا في تقديم الكثير من الأعمال السينمائية والدرامية.
وقالت لبلبة خلال لقائها مع الإعلامي محمود سعد ببرنامجه "باب الخلق"على فضائية النهار: "الأستاذ عادل إمام، اشتغلت معاه كتير أوي في كل مراحل عمره، وهو شخصية لازم تحبه، ولازم ياخد قلبك، ولما بشتغل معاه بسيب نفسي وهو بياخد باله من كل حاجة، فهمته أن إمتى أنا أتكلم، لما بشتغل معاه ببقى عيني على عينه وعلى بوقه وبفهم من كده أن الشوت يخلص كده من غير ما يعمل حاجة، ومينفعش أبوظ له إفيه".
واستكمل: "وممكن يعمل ريأكشن بوشه، واتعودت إني مضحكش، عشان مبوظش الشغل، الناس حبونا مع بعض، وبحبه أوي ومعاه بحس بنجاحي، واستفدت كتير من جماهيريته، بحس بيه لما في الطرقة بتاعت ستوديو النحاس أسمع ضربة جزمته، وأقول النهارده مبسوط أو مش قد كده".
لبلبة: "رفضت الزواج مرتين بعد حسن يوسف.. قالولي إزاي عادل إمام يحضنك ويبوسك"
