نجل شعبان عبد الرحيم عن اللبنانية منار حمزة: "مريضة نفسيًا.. وأبويا زي أهرامات مصر"

علق عدوية شعبان عبد الرحيم على تصريحات المطربة اللبنانية منار حمزة التي طالبت خلالها بأخذ فيلا الراحل، مؤكدة أنه أهداها إياها قبل وفاته لأنه كان يعتبرها مثل ابنته.  

وكتب نجل شعبان عبد الرحيم، على حسابه الشخصي بـ"فيس بوك": "أقسم بالله.. منار المطربة اللبنانية مريضة نفسيا.. وأنا كنت مسافر شغل في لبنان بعد أسبوع مش هروح عشان.. أنتي منها.. لأنك ماتستهليش العيش والملح بتاع أبويا واللي كان بيعملو معاكي.. والناس كلها عارفة شعبان عبد الرحيم في مصر زي التلات أهرمات استحاله يعمل كدة".

وسبق، وقال عدوية نجل الراحل في تصريح خاص لـ"القاهرة 24" إن هذه المطربة غير معروفة في وطنها الأصل لبنان، وأنها تسعى وراء التريند فقط لا غير: "لو ليها حق عندنا تاخده بالقانون، هي عايزة تركب التريند وخلاص، يعني مثلا نديها الفيلا اللي معندناش غيرها وقاعدين فيها؟!.. لو جت مصر هنستقبلها ونعمل معاها أحلى واجب زي ما أبويا كان بيعمل عادي".

وتابع: "هي لما شافت أغنية أبويا بتاعت أنا بكره إسرائيل، بقت تريند لما اتهموا محمد رمضان بالتطبيع، وظهرت تاني على الساحة بعد وفاته؛ حبت تطلع تقول الكلمتين دول ولكنها بتكدب".

كما أكدت اللبنانية عدم زواجها من شعبان عبد الرحيم ولكن كانت تجمعهما علاقة قوية فكان بمثابة الأب الروحي لها وساعدها كثيرا وقدم لها هذه الفيلا كهدية.

أزمة تطبيع محمد رمضان تدخل في صراعات أبناء شعبان عبد الرحيم والمطربة اللبنانية

نجل شعبان عبد الرحيم يرد على لبنانية طالبت بفيلا الراحل: "أبويا كان جدع معاها"