أيمن بهجت قمر عن رفضه مقاضاة مطربي المهرجانات: "عيال غلابة"

قال الشاعر أيمن بهجت قمر، إن عدد من مطربي المهرجانات أعادوا تقديم ألحان بعض أغانيه دون الحصول على إذن مسبق منه أو توجيه شكر لصناع الأغنية.

وأوضح أيمن بهجت قمر، خلال لقائه فى برنامج "القاهرة اليوم" عبر قناة "ألفا": "أنا بعيب على مطربي المهرجانات أن بلاقي أغاني كتير ليا خدوها من غير وجه حق، وكنا بنقول فى الأول أن بعضهم محدود الثقافة ومش فاهمين حاجة، بس خلاص دلوقتى بقوا فاهمين كويس، بس أنا بطلب منهم أن الكلام أغاني المهرجانات يرجع للراقبة، لأن أنا بتحاسب على جملة".

وتابع: "لسة واخدين أغنية "يا ستار" للفنان محمد حماقى ومغيرين فيها الكلام، وكمان أغنية روحي فيه لمحمد فؤاد وبيسرقوا من غير ما يقولوا شكرا حتى، وأنا عمرى ما رفعت عليهم قضية لأن مش عايز استقوى عليهم حرام، لأنهم عيال غلابة مش فاهمة حاجة".

أيمن بهجت قمر يعلق على أحداث الوسط الفني الأخيرة: "بقت شغلانة صعبة ومليانة أندال"