إحدى ضحايا مستريح المنيا: "وعدنا بـ15 ألف جنيه في الشهر عن كل 100 ألف"
قال محمد الحنبولي، إحدى ضحايا مستريح محافظة المنيا، إنه يقطن مركز مغاغة، وأعطى مستريح المنيا 100 ألف جنيه، بسبب ترويج الشيخ حمدي وهو شخص ملتحٍ أحد أعضاء اللجنة العرفية لما رآه عند الشيخ حسين.
وأضاف في مداخلة هاتفية مع الإعلامية لميس الحديدي مقدمة برنامج "كلمة أخيرة" الذي يعرض على قناة "ON"، مساء اليوم الاثنين: "بعد اللي قاله وإنه ارتاح قلبه عند حسين الناس بقت تبيع بيوتها عشان تبعت له فلوس، دقنه هي السبب، حمدي مش بتاع ربنا، أنا ماضي ومراتي على إيصالات في البنوك ومش عارفين نسد دلوقتي، وبيوتنا هتخرب، وادينا الفلوس دي لمحمد عبدالله شريكه، ولما اتكلم قال معرفش حاجة عن مصانعه، وكله بيلبس في بعضه".
وتابع: "ازاي الشيخ حمدي بيحل وهو من أطراف الموضوع، والإيصالات اللي مع الناس كلها مضروبة، والناس كلها خايفة تروح تبلغ عشان محدش شافهم بيمضوا، كلنا بيوتنا اتدمرت وهنتحبس بسبب دقن الشيخ حمدي، ونطالب الحكومة بحلق دقن الشيخ حمدي".
وأردف: "وعدونا بإنهم يدونا 15 ألف جنيه في الشهر عن كل 100 ألف جنيه، ومأخدتش إلا شهر واحد، لترد عليه الإعلامية لميس الحديدي مستنكرة حديثه: "يعني 180% في السنة؟! ده ولا المخدرات"، مؤكدا: "البلد عندنا حصل فيها مشاكل كبيرة وناس اتعورت وبيوت خربت وبيوت لسه هتخرب".
مجازاة رئيس جهاز مدينة بدر و3 مسئولين آخرين من مساعديه بسبب مخالفات مالية وإدارية (مستند)
القبض على "مستريح مغاغة" بتهمة الاستيلاء على 2.7 مليون جنيه
