"لا يوجد عند الله مستحيل".. بيتر ميمي يروي موقفًا إنسانيًا عندما كان طبيبًا في قصر العيني
روى المخرج بيتر ميمي موقفًا إنسانيًا، تعرض في عام 2011، عندما كان طبيب امتياز في طوارئ قصر العيني، تزامنًا مع ثورة 25 يناير.
وكتب بيتر على حسابه الشخصي بـ"فيس بوك": "في فبراير 2011.. كنت طبيب امتياز في طوارئ القصر العيني وكانت البلد في حالة انفلات أمني رهيبة و كان كل ساعة بيجيلنا ناس مصابين بكل الأشكال.. لكن فى يوم جالى راجل عامل بسيط جدا ومعاه بنته عندها تقريبا 6 شهور في حادثة عربية.. البنت كان عندها كسر في الجمجة و جرح قطعي في الرأس وتقريبا كنت شايف مخ البنت بعيني".
وتابع: "طلعت مع الراجل جراحة المخ و الأعصاب و بعد فترة في محاولات طلبوا مني أوديها الرعاية عندها مشكلة في التنفس و بعد محاولات تانية في الرعاية طلبوا مننا نوديها جراحة القلب و الصدر لأن البنت كان عندها مشكلة في الرئة بسبب الحادث.. الأطباء حاولوا معاها كتير وبعد 12 ساعة من دخول البنت محاولات من كل التخصصات طلعنا بيها جراحة المخ والأعصاب.. قولت للراجل نام شوية العملية هتاخد ساعات.. وأنا من جوايا متأكد يقينا إن البنت هتتوفى خلاص بسبب كل الإصابات ديه".
فى فبراير ٢٠١١ كنت طبيب امتياز فى طوارئ القصر العينى، و كانت البلد فى حالة انفلات امنى رهيبة و كان كل ساعة بيجيلنا ناس...
Posted by Peter Mimi on Tuesday, February 2, 2021
واستكمل: "بعدها بشهرين.. كنت خلصت دورة الطوارئ وفي دورة الجراحة وماشي في الطرقة لاقيت حد بينادى عليا.. يا دكتور لفيت الراجل قالي أنا كذا كذا مش فاكرني؟ الحمد لله البنت بقت كويسة وخارجين النهارده ومتشكر!!.. انبسطت جدا وحسيت أن فيه حاجات طبقا للعلم والطبيعة البشرية مستحيل.. لكن عند الله لا يوجد شئ مستحيل".
يذكر أن المخرج بيتر ميمي، يخوض السباق الرمضاني المقبل 2021، الذي يقوم ببطولته الفنان كريم عبد العزيز وأحمد مكي، إنجي المقدم، إياد نصار، محمد علاء، أسماء أبو اليزيد، إسلام جمال، أحمد شاكر عبد اللطيف، هادي الجيار، وهو من تأليف هاني سرحان، وإخراج بيتر ميمي.
بيتر ميمي من كواليس مسلسل الاختيار 2: "إنها الحرب"
المخرج بيتر ميمي: "الاختيار 2" سيتناول شهداء وزارة الداخلية تحت عنوان "حتى لاننسى"
