ساندي: "القراءة أكثر فائدة من الغيبة والنميمة على فيس بوك" (فيديو)
كشفت المطربة ساندي، كيف استغلت فترة جائحة كورونا، التي اجتاحت العالم، وأجبرت الشعوب على الالتزام بالعزل المنزلي، مشيرة إلى أنها لجأت للقراءة والتي جعلتها مثقفة.
وتابعت ساندي في ندوة "القاهرة 24": "عدى عليا في حالة كده اللي معرفوش لازم أعرفه.. دايمًا بيسموني ساندي جوجل، عشان أي حاجة بشوفها ومعرفهاش وبدخل أسرش عليها، أنا بحب القراءة والثقافة جدًا، لما بتفضي فجأة بتلاقي سلبيات وطاقة سلبية كتير حواليكي، أنا شفت أن القراءة مهمة جدًا، وهي أهم من الغيبة والنميمة على فيس بوك، وأنا بقول للناس اللي من جيلي ياريت نفرأ ونبقى ناس مثقفة ونتعلم، ونشوف الناس الرواد اللي في العالم بقوا كده إزاي؟".
واستكملت: "ثقافتي اتغيرت وشخصيتي اتغيرت، أنا كنت واخدة كل حاجة على أعصابي، وده تعبني، أنا اكتشفت إن ده اللي زعلني الفترة اللي فاتت وماكنش المفروض أزعل أصلا".
وأما عن مشاركة ابنها الوحيد "راين" لها في أحد أعمالها، أكدت ساندي: "راين لوحده كليب، ممكن يطلع لوحده يمشي على الحيطان، أنا كده كده بطلعه على طول ولو في حاجة ضحكتني بظهرله للجمهور ومبحطش على وشه قلب ولا زهرية، وأكتر صور بتاخد لايك هي صوره وساعات بستغله عشان أعمل تفاعل على الأكونت".
وسبق، وأعربت المطربة ساندي عن سعادتها، بالتعاون مع الشاعر تامر حسين، والملحن عزيز الشافعي، في أغنيتها الجديدة "ازيك النهاردة" التي طرحتها قبل أيام على قناتها الرسمية بـ"يوتيوب".
ساندي في ندوة القاهرة 24: "بقى عندي غيرة أتعاون مع تامر حسين وعزيز الشافعي لأنهم ناجحين"
