"استخدمت اسم رضا عشان أهرب من تهمة قتل مراتي".. ننفرد بنشر نص تحقيقات "سفاح الجيزة" (مستندات)
"المهندس رضا محمد، وكريم عبد اللطيف المحامي، ومحمد نصر صاحب شركة.. أسماء وشخصيات عدة لمجرم واحد، أمعن في تقمص الأدوار طواعية، وبات بطلًا لعدد غير قليل من وقائع النصب والاحتيال وانتحال الصفة، لكن الاسم الأخير "سفاح الجيزة"، أُطلق عليه على غير رغبة منه بعد سقوطه في قبضة الأجهزة الأمنية، وباتت واقعة القبض عليه والتحقيقات معه تشغل حيزًا كبيرًا من اهتمام الرأي العام حتى إن وسائل إعلام أجنبية أطلقت على جرائمه "الأغرب في مصر".
"سفاح الجيزة كعب داير".. ومقاضاته أمام 3 هيئات منفصلة
حصل "القاهرة 24" على نص التحقيقات كاملًا في القضية المعروفة إعلاميًا، "بسفاح الجيزة" التى حملت، رقم 3066 لسنة 2021 جنايات قسم شرطة بولاق الدكرور، والمقدية برقم 5612 لسنة 2021 جنايات قسم الهرم ، كلي جنوب الجيزة.
وشرعت جهات التحقيق في سؤال المتهم، رضا محمد عبد اللطيف المحبوس، وبمناظرته تبين أنه في العقد الخامس من العمر، متوسط الطول، قمحاوي البشرة وشعر أسود اللون، لديه شارب ولحية بيضاء، ويرتدي تشيرت أزرق اللون، وبنطال أزرق اللون.
وبسؤاله عن التهم الموجهة له شفاهة أجاب كالتالي: ج: أنا القذافي فراج عبد العاطي عبد الغني السن 48 سنة ومحبوس في سجن الغفرة بالإسكندرية.
قضية جديدة في قائمة تهم سفاح الجيزة
س: ما تفصيلات ما حدث تحديدًا؟
ج: ما حدث أن زوجتي التي تسمى فاطمة زكريا كانت مريضة نفسيًّا، بسبب طليقها القديم، وكانت بعيدة عن أولادها وكانت متجوزة قبل ما أنا اتجوزها بسنة وطلقها جوزها وأنا اتجوزتها، وكانت نكدية بتتخانق معايا كل شوية ومع طليقها بسبب إن هي عايزة تشوف عيالها وفي يوم ضربتها بالقلم واتخانقت معاها بسبب أن هي كانت بتتكلم مع أمها بأسلوب مش كويس، وفي شهريوليو 2015 رجعت من الشغل مالقتش مراتي في البيت، وبعد كدا سألت أبوها أنا معرفش عنها حاجة، وبعد كدا دخلت البيت علشان كان فيه فلوس حوالي 33 ألف جنيه، وهي أخدت الفلوس والعبايات وأخدت كروت شحن بحوالي 25 ألف جنيه، وبعد كدا نزلت راحت عملت محضر في قسم الهرم مراتي سابت البيت، وبعد كدا أبو مراتي كل شوية يتهمني، انى قتلت بنته وأنا ماليش علاقة بالموضوع، وبعد كدا عرفت أن أبو مراتي أخد عليا حكم ست شهور حبس في 2018 تزوير وانتحلت شخصية واحد صاحبي اسمه رضا محمد عبد اللطيف علشان رضا كان مختفي من عام 2016 ومحدش يعرف مكانه، ولا هو فين وأنا كان معايا صورة بطاقته، فقررت أغير صورة بطاقته وبياناته وأحط صورتي على بطاقة رضا بنفس بيانات رضا، وبعد كدا روحت إسكندرية وعشت هناك باسم رضا محمد عبد اللطيف، ولما اتمسكت السنة دي، اكتشفوا أني مش رضا وقتها، حاولت الهرب لكن اتمسكت واتعرضت على النيابة في قضية الهروب وكمان قضية انتحال الصفة والتزوير، ده كل اللي حصل.
س: ما علاقتك بالمدعوة فاطمة زكريا على إبراهيم؟
ج: هي زوجتي من 2013.
س: وأين توجد المدعوة فاطمة زكريا علي إبراهيم الآن؟
"الفيرمونت وسفاح الجيزة وحبس سما المصري".. قضايا هزت الرأي العام في 2020
ج: أنا معرفش عنها حاجة وهي هربت من البيت من شهر يوليو 2015 وأنا من وقتها معرفش هي فين.
س: ومتى تحديدا تم اختفاء المجني عليها؟
ج: هي هربت من شهر يوليو 2015.
س: وما هو وقت اكتشافك اختفاء المجني عليها؟
ج: أنا كنت في الشغل ورجعت مالقتهاش في البيت.
س: هل توجد ثمة خلافات بينك وبين المجني عليها قبل اختفائها وتركها مسكن الزوجية؟
ج: هي كانت مريضة نفسيا وكل شوية تتخانق معايا وفي شهر يونيو 2015 وضربتها بالقلم على وشها.
س: ما كان أخر حوار دار بينك وبين المجني عليها قبل تركها المسكن؟
مأذون مزيف وأسرة وهمية.. طليقة سفاح الجيزة ضحية على قيد الحياة (صور ومستندات)
ج: احنا كنا بنتكلم قبل ما تمشي بيوم.
س: ما هو مضمون الحوار الذي دار بينكما؟
ج: إحنا كنا بنتكلم علشان كنا عايزين نجيب شقة وكان معانا مبلغ 335 ألف جنيه.
س: وكيف استحوزت على هذا المبلغ؟
ج: المبلغ من شغلي وكنت هشتري شقة وهي أخدت الفلوس وهربت.
س: ما الذي استبان لك وقت دلوفك المسكن؟
دفاع ضحية سفاح الجيزة يكشف مفاجأة جديدة في القضية
ج: أنا رجعت الشقة ومالقتش الفلوس علشان هي أخدتهم وهربت.
س: وهل يوجد لديككم أولاد؟ ج: عندنا بنت أسمها سلمي عندها 7 سنوات.
س: وهل كانت نجلتك سلمي في المسكن وقت مغادرة زوجتك المسكن الزوجية؟
ج: بنتي كانت عند أمي ليها أسبوع ومكنتش وقتها.
س: هل كانت المجني عليها تتواصل مع نجلتك في غضون أسبوع كانت نجلتك متواجدة به عند والدتك؟
ج: هي كانت تعبانة نفسيا ومحاولتش تشوف بنتها.
س: وما هي المنقولات والأموال التى قامت المجني عليها بالإستيلاء عليها ؟
ج: هي أخدت مبلغ 350 ألف وكروت شحن بـ25 ألف جنيه .
س: ما قولك فيما هو ثابت بهواتف زوجتك، وتم إرسال رسائل إلى الهاتف خاصتها بمكانك ومسكنك، إلى أسرتها.
ج: أشك وبيتهيالي أنا كنت ببعت رسائل من أماكن الشغل بتاعي ليها هي كتير.
فتاة جميلة وفيلم بالأردن.. حكاية نادين الحلقة المفقودة في جرائم سفاح الجيزة
