يسرية تُناشد «السيسي» لعلاجها بعد مرض زوجها بالقلب: "مفيش مستشفى راضية تقبلني وتعالجني" (صور )

مأساة حقيقية تعيشها المواطنة يسرية عطية، 36 سنة، من أبناء مركز المحلة، بمحافظة الغربية، بسبب معاناتها من مرض السمنة المفرطة وفشلها في الحركة نهائيا وتقضي وقتها على السرير الخاص بها حتى أصبحت جليسة الفراش.

"محبوسة بين 4 حيطان في عز شبابي، ومش عارفة اتنفس ولا أتحرك ولا أعيش زي بقية الناس".. بتلك الكلمات بدأت يسرية عطية حديثها لـ "القاهرة 24 "، وأن وزنها تخطى  الـ270 كليوجراما، دون معرفة سبب معاناتها من السمنة المفرطة، قائلة: "روحت لدكاترة كتير، ومحدش راضي يدخلني مستشفى أتعالج فيها، وإحنا غلابة على قدنا، ولا يوجد لدينا دخل ثابت لها، ولدي طفل مريض بضمور في المخ وزوجي مريض بالقلب".

وتابعت يسرية: "أنا نفسى أخف وأرجع زي الأول عشان أخدم جوزي وابنى المعاق المريض بضمور في المخ بس والله مابقتش قادرة، عاوزة الرئيس السيسي يدور عليا ويعالجني هو أب لكل المصريين وبيخاف علينا، مفيش مستشفى راضية تقبلني وتعالجني، كل ما أروح مكان يرفضوا يستقبلوني". 

وأكملت حديثها والدموع تنهمر على خديها: "أنا مبقتش أقدر أتحرك وعايشة على أنابيب الأكسجين لأنى مش بقدر أتنفس وكل يوم أهل الخير بيجيلولى أنبوبة أكسجين، لغاية أمته هفضل عايشه ميتة، نفسى حد يحس بيا". 

ويقول أحمد محمد عطا الطالب بالصف الأول الإعدادي وابن مريضة السمنة المفرطة: "عاوز أمي تتعالج وتخف وترجع تخدمنا"، مشيرًا إلى أن والدته أصبحت قعيدة وجليسة الفراش ولا تستطيع أن تخدم نفسها بنفسها، مطالبًا وزيرة الصحة بالتدخل لعلاجها وإنقاذها من السمنة المفرطة والتي يترتب عليها الإصابة بالأمراض المزمنة.  

رعد وبرق.. سقوط أمطار غزيرة على كافة الأنحاء بالغربية (صور)