وكيل عبد الشافي يكشف حجم إصابة اللاعب ويهاجم خالد الغندور
كشف محمد رضا، وكيل أعمال الظهير الأيسر الدولى محمد عبد الشافي، لاعب الفريق الأول لكرة القدم بنادي الزمالك، حقيقة وحجم إصابة اللاعب.
وكتب محمد رضا عبر صفحته على فيس بوك "توضيح بالنسبة لإصابة كابتن عبدالشافي، أولا تمت الإصابة يوم 22/8 والحمدلله وفضله عبدالشافي نزل التدريبات الجماعية مع الفريق، وتم المشاركة فيها بشكل كامل وطبيعي يوم 20/12، يعني الإصابة أخدت وقت ٤شهور ويمكن أقل".
وتابع "طلع علينا كابتن خالد الغندور فى برنامجه اللي هو المفترض على قناة النادي الرسمية، بيقول إن عبدالشافي بقاله 8 شهور فى الإصابة، معلش أنا آسف ياكابتن خالد أنت حضرتك بتطلع على الهوا وتقف قدام الكاميرا وتخاطب المشاهدين، وحضرتك معندكش المعلومة أصلا، أنا اسف ياكابتن حضرتك أنت أو الإعداد بتاعك لو حد تعب نفسه هيعرف المعلومة صح وكاملة".
وواصل "عبدالشافي من وقت ٢٠/١٢ معافي تماما من الإصابة وبيشارك بشكل طبيعي جدا وعدم وجوده في المعسكرات والماتشات كان بيرجع لوجهة نظر الجهاز الفني".
واستطرد "بالنسبة للإصابة الركبة قطع جزئي فى الغضروف وبفضل الله مش محتاج تدخل جراحي وحاليا بنشتغل تقويات والحمدلله من 10 لـ15 يوما هيكون جاهز للماتشات بشكل رسمي".
واختتم: "أخيرا حابب اشكر الجهاز الطبي وخصوصا دكتور محمد أسامة طبيب الفريق ودكتور عمرومطراوي أخصائي تأهيل أحسن تأهيل فى مصر".
وأصيب عبد الشافي مؤخرا بجزع في رباط الركبة وهو ما يحتاج لفترة 10 أيام راحة من التدريبات الجماعية.
رزاق سيسيه يظهر للمرة الأولى محليًا أمام الزمالك
