محمد عبدالرحمن عن تسميته بـ"توتا": شعري وقع من التفكير في اسمي

كشف الفنان محمد عبدالرحمن عن سبب تسميته بـ لقبه الشهير"توتا"، موضحًا  إن شعره سقط من التفكير في اسمه، الذي أطلقه عليه أحد أصحابه في الجامعة.  

وحكي توتا، خلال استضافه ببرنامج "سهرانين"، المذاع على شاشة قناة "ON"، ويقدمه الفنان أمير كرارة، "واحد صاحبنا اسمه محمد السيد توب، سماني توتا عشان الموضوع ميبقاش سالك، وسماني الاسم ده وأنا في الجامعة، حس أننا اللي باجي ومعايا سندوتشات ولازم أفطر، ممكن تكون جت من الحتة دي".

وتابع:"وقالي أنت عامل زي شجرة التوت اللي كل الناس بتقعد حواليها، فضلت أفكر فيها لحد ما شعري وقع، مش قادر أصدق إني شجرة.. أنا بني آدم".

وذكر "توتا" مواقف كوميدية خلال الحلقة جمعته مع "أوس أوس"، قائلا: "كان عنده عربية في الأول 127، ولما كنا بنركبها في الحر بتبقى ساونا، وربنا كرمه شوية واشتغل في حاجات جاب بونتو، أوس أوس بيحب العربيات، ولزقنا الاكصدام بتاع العربية ولوناه معاه أسود، عشان يبقى شكلها حلو، علي ربيع لما يبقى معانا في العربية بيشغل أفراح مش أغاني طول الطريق".

محمد توتا يشوق جمهوره بأفيش “لص بغداد” (صورة)