تامر حسين ردًا على اعتذار رامي صبري: "كنت حزينًا ومأذي نفسيًا.. وحقك عليا لو اتكلمت عنك بحدة" (صورة)

رد الشاعر عزيز الشافعي، على اعتذار الفنان رامي صبري، بعد الخلاف الذي دب بينهم بجانب الملحن عزيز الشافعي، بسبب أغنية "شكرا" للفنان عمرو دياب.  

وكتب تامر حسين على حسابه الشخصي بموقع التواصل الاجتماعي "فيس بوك"، وقال: "هو ده رامي صبري اللي أنا أعرفه، كان يهمني توضيح الحقيقة للجمهور المحترم، اللي البعض منه تخيل إننا ممكن نعمل تنازل لأي فنان، أو ناخد مُقابل وندي الأغنية لمطرب آخر وكنت حزين ومأذى نفسيا من الموضوع ده".  

وتابع معتذرا لرامي صبري وقال: "وحقك عليا لو اتكلمت فى البرامج بحدة شوية في الكلام، أو اتكلمت بلهجة مش لهجتي معاك، ولا مع أي زميل، بس ده من زعلي إنك ماوضحتش كل ده ببوست، وتبرئ ذمتنا وسمعتنا وإحنا فعلا داخلين على أيام مُفترجة، وفكل البرامج قلت إنك أهم صوت في جيلك ما انكرتهاش، وربنا يوفقك ويكرمك ويبعد عن الجميع أي خلافات ومشاكل، عايزين نفن ونسعد الناس المحترمة اللي بتثق في ذوقنا فنيا ونستغل الوقت في النجاح وبس".

واختتم حديثه قائلا: "مش مستاهلة خصام وزعل، الناس بتموت وحصل خير، وأسرتك الكريمة فوق راسي، ومالهمش علاقة بمشاكلنا، اللي أنت بتورطنا فيها أون لاين، حبيبي يا رامي".

رامي صبري ينهي خلافه مع عزيز الشافعي: "أغنية شكرًا مش ملكي قانونيًا وشكلنا خدنا عين" (صورة)

عزيز الشافعي ردًا على رامي صبري: "حصل خير إحنا زملاء مهنة واحدة" (صورة)