ريكو: "أنا أصل فن المهرجانات.. وكانوا بيقولوا عليا ظاهرة وهتختفي"
تحدث المطرب ريكو عن رأيه في لون المهرجانات ومؤديها في الفترة الحالية، مشيرًا إلى أنه أول من بدأ ذلك اللون في فن المهرجانات، بدايةً من أغنية "عادي في المعادي" التي غناها في فيلم "الساحر".
وقال ريكو لـ"القاهرة 24": "أنا أصل فن المهرجانات دي، أنا اللي عامله بأغنية عادي في المعادي وشبرا وأغاني الفرانكو آراب والناس بدأت تقلدني بس بشكل مختلف".
وأردف: "في بداية ظهوري كانوا بيقولوا إني ظاهرة وهتختفي بس مكنتش ظاهرة، وقعدت أقول إني مش ظاهرة أنا واقع حقيقي، النهارده عدى على الواقع الحقيقي 20 سنة من أول فيلم الساحر في 2001، ومكنش له مسمى وقتها ومتحددش".
وتابع: "احنا كنا بنوضح أفكار جديدة في بداية الألفية وبعدين طلع نجوم للفكر دا زي أوكا وأورتيجا وأمينة في أغنية الحنطور، والناس كانت مستغرباه ودلوقتي لفت الأيام ونجح والناس بتصدق الشباب الجداد، ودا حق الجيل الجديد وبيعبر عن مفردات حياته وأمانيهم، والحلو بيعيش والوحش بيتركن ويتنسي".
بمسلسلين وفيلم وديو غنائي.. ريكو يعود للساحة الفنية بقوة (صور)
رامي جمال يجدد تعاونه مع "نجوم ريكوردز" بعد 4 ألبومات (صور)
