عمرو أديب: "أبوتريكة ضر الأهلي وكان إيده على قلبه في مباراة بالميراس" (فيديو)

انتقد الإعلامي عمرو أديب، مصافحة محمد أبوتريكة نجم الأهلي السابق للاعبي الفريق حسين الشحات ومحمود عبدالمنعم "كهرباء" بعد انتهاء مباراة بايرين ميونخ الألماني ببطولة كأس العالم للأندية.

وقال عمرو أديب في برنامجه "الحكاية" المذاع على قناة mbc، إن أبوتريكة بهذا التصرف ضر الأهلي في مباراته أمام بالميراس البرازيلي في تحديد المركزين الثالث والرابع.

وأوضح: "اللي حصل ده غلط، غلط من أبوتريكة ومن حسين الشحات ومن كهربا، أنا عارف مشاعر أبو تريكة المتأججة وإن نفسه يسلم على لاعبي الأهلي، لكن هو أكتر واحد على دراية بالأجواء دي والمباريات دي".

وأكمل: "حتى لو انت نفسك تسلم على اللاعبين وتعمل ده كان لازم ترفض مصافحتهم، حتى لما هم جم عشان يسلموا عليك لو مسلمتش، انت محسوب على المنظمين للبطولة".

وقال: "أنا عارف إن أبوتريكة كان إيده على قلبه امبارح خلال مباراة بالميراس، وكان عاوز الأهلي يفوز عشان ميتقالش إن أبوتريكة ضر الأهلي، لكن أبو تريكة ضر الأهلي فعلًا، في ناس هتهاجمني وتقول ده عشان بيكره أبو تريكة، بس هو ضر الأهلي، وغياب كهربا والشحات أثّر مع الفريق في ضربات الجزاء، الأهلي لعب باللي موجودين، ده كان عايز ينزل معلول وهو مصاب عشان يشوت ضربة الجزاء لكن معرفش ينزله".

عمرو أديب:"أي حد فتح نصبة شاي في العاصمة الإدارية الجديدة يبقى ربنا كرمه