أم من ذوي الاحتياجات الخاصة تستغيث بالرئيس: "ابني فاقد البصر وبياكل من بطنه" (فيديو)
ناشدت شيماء عنتر محمود، والدة الطفل حسن، المصاب بفيروس مناعي في المخ، الرئيس عبد الفتاح السيسي، من أجل علاج ابنها الذي يبلغ من العمر 5 سنوات، لأنه لا يوجد علاج له في مصر.
تقول والدة الطفل لـ"القاهرة 24": "ابني كان سليم لحد سنة، جاله احتقان في الزور، وتاني يوم دخل غيبوبة من درجة تانية، روحنا بيه مستشفى الدمرداش، واستمرينا لمدة 6 شهور نتابع لحد ما قالوا ده فيروس في المخ".
وأضافت "شيماء عنتر": "مبقاش بيعرف ياكل ولا يشرب، فبقي بياكل من بطنه، وحولنا له البيت مستشفى عشان نعالجه".
والد طفل مريض بالقلب يطلق استغاثة.. والداخلية تُنقذه (فيديو)
وتابعت: "بييجي له نوبات وحصل له انفجار في القرنية، ومحتاج عملية، وعنده التهاب رئوي، وكهربا وتشنجات، ومحتاج جلسات علاج طبيعي يوميا، والجلسة بـ200 جنيه".
وأردفت: "نفسي الرئيس يسمع صوتنا، لأن حسن محتاج زرع خلايا وإعادة تشخيص وده غالي جدا علينا، مستحيل نقدر عليه، أقل تحليل بآلاف، وأنا من ذوي الاحتياجات الخاصة، أحيانا مش بقدر أشيله ووالده عامل باليومية".
واستكملت حديثها قائلة: "أنا بديله العلاج وبتابع مع الدكاترة، وهو محتاج جهاز أوكسجين، ومحتاج كرسي، ودلوقتي محتاج يسافر لألمانيا للعلاج هناك، لأنه فاقد البصر بسبب الفيروس المناعي".
